Zopuan zat zia

Zogam leh Kawlgam mun tuamtuam ah khang
masa khang lui ten thuzek a, a neih Puan
Laisan, Puan Dum leh Tangcing te tuhun
ciangin Nungak Tangval te’n ut bangin zang
uh hi. Tua tham loin Christian biakna tawh
kikal a pawlpi ciat ah nikin puansilh a
lamdang theithei kizang ciat hi. Nu leh Pa te
leh Pawlpi kem sia te’n a khiatna gen lo hi
ding ci-in ngaihsun ka hih manin Zo ngeina
puanza thu a kizatna a nuai a bangin kong
gelh hi.
Puan laisan thu:
Pasal puanza hi a, khang masa i pi, i nu, i ni
leh i u numei ten ta pasal, tu pasal a neih leh
puan laisan khat ciat siamtawh gat sak uh hi.
Tangval ciangin nungak kiang a zawllenna
ding Papi zawh teh nopna leh dahna a zat
ding leh Pasal te sih ciangin sih vuina in
kizang hi. Ni dang in misi te “Lang Tung”
ahih kei leh “Lang Phei” tawh a kivui te i hi
hi. Christian biakna lam a tun ciangin
singkuang a kizang hi. Sial go in a tongte a
sih uh ciangin “Lang Tung” ahih kei leh “Lang
Phei” kimkot ah Puan Laisan tawh kituam hi.
Tham loin “Gal aih, sa aih, mimza taangza aih
leh ton ciangin Pasalte zat ahi hi. Hi tangthu
hangin khang masa ten “Thu zek” nei puan in
ciamteh uh hi. Khang masate thuzek “Puan
Laisan” zat dan a khiatna i theih ding kisam
kasa hi. Puan laisan pen tu hunin mun
tuamtuam ah Puanten, banah sabuai phah,
pulpit tung leh inndeina ah kizang ahih
manin zatdan ih siam ciat ding deihin kong
gelh hi.
Puan Dum thu:
Numei puanza hi a ipi, inu, ih ni leh i u
numei ten ta numei, sanggam numei a neih
uh leh Puandum khat ciat guan uh hi. A
nungak uh ciangin nopna, dahna ah zang uh
hi. Nidangin nopna dahna ah nungak nik tom
teng lingling uh a, Puandum zong zang thei
uh hi. A diakdiak in nopna dahna ah nungak
lai puandum silhin nik tom tengin kilawm
mahmah uh hi. Numei a sih ciangin Puan
Dum tawh kituam hi.
Tangcing thu:
Hih puanza pen khamtung pan a ki gan hi lo
hi. Khang masa i pate hun lai-in phu kilakna
leh gal dona panin a ngah uh Tangcing puan
ahi hi. I phu lakna leh a thah mite Puan hi-in
Minam leh agam gen ding hoih lo hi. Phula pa
leh gaal that pa asih a kivui ciangin Lang
Tung ahih kei leh Lang Phei kimkot ah kituam
a, mi kim in kizang hi. Tu hun ciangin kizang
nawnlo hi. A zang a om leh a deihna thei
ding kisam hi.
1950 kum in Col. Pu Khen Za Mung in Prome
ah II Chin Rifles a uk lai-in Shwedaung khua
ah U Sein Maung siamgan siampa tawh kimu
in i Tualpuan, i Tedim nik, Tangcing leh Puan
gialte gansak hi. Tua ban ah Puan gial (Khe
phiau) thu nidang lai a kipan nungakte zat
pen ahi hi. Tangval te’n zong zang thei hi.
Puan za a kizang ahih zah khatin nik leh
puan tenin kizang lo hi. Puan gial (Khe phiau)
zong kum 1950 in Col. Pu Khen Za Mung in
panin theih ciat ding kisam sa kahih manin kong pulak khia hi.
Copy