Hong Lungmuang sak Ngaihno

 Ka numtak na sung ah ka lungleng katha nem hun pen kei leh kei in ka phutkhak lamtak kathei hi...

Lungleng khua ngaihna leh thanem na te in khat veivei minnei lobang in ih lungsim hong subuai theizelzel hi a hi zong in hih ihtha nemna te hong vengsak thei leh hehnep na hongpia thei itna leh thaphiak na te ih kiang ah hong ki gen leh ih khua ngaihlung len na te beimang thei lel hi

Pasian in hong itna leh hongtha piakna hong angvan na te hong mu toto sak a hih man in Pasian hoih nate ka sim toto thei zel hi hunkhat lai in mite pampaih ih hiphial zong in mite in hong simmawh in hong nuainen laitak na ngawnin hong nusia hetlo Pasian itna te ka mu thei veve hi

Bang hang in ka lungmuan na ka lungnop na ding in Pasian in kei a ding in hong itthei leh hong ngai thei ding nang tawh hong ki mu sak sese hiam? ci-in ka ki ngaih sunsun zel hi Leitung ah mi melhoih tam mah lungsim hoih tampi mah om kha mah in teh a hi zong in kei a ding in a Lungsim hoih pen leh a Ngaihbang pen kei a ding in a thupi pen in Pasian in nang tawh hong ki thei sak kam hong kumkhawm sak in lungnop kha muanna tampi ka ngah na leh ka lungnop na lian pen Ka Ngaihno nang bek na hihi mi te aa ding in man nei lo ka hi phial zong in nang a ding in a man nei nasap na khempeuh ah a ki cingsak thei hi den nuam ing....

Kadam lohciang leh ka thanem ciang in tha nongpia a nong lung hi mawh den hi tua mahmah zong kei a ding in manpha mahmah kasa aa hampha ka kisa lua hi tua bek hi lo a tawntung in nangtawh zingvai hawmkhawm in vaksuk vaktoh na zingvai hawmna teh ah mapang khawmden nuam ing...

leitung kei a ding in ahoih pen lungnopna kicing ka ngahtheih na ka khamuan na banghiam?

 Kakha muanna lungmuang na lungnop ki cing hong guan Ka Ngaihno nang bek na hi a kasapna khempeuh ah ka bangkim na hi gige hi Pasian in thupha hongpia henla cidam in khansau in kumtam pi nungta khawmkhawl khawm zingvai hawmkhawm ding in Thupha namcin hongpia tahen...

lunggim na ka nei phial zongin zingsang ka thawh ciang in Zingpha ka cih gige ding khat na hi aa Zan in mu ding in ka kithawi cingin zanpha maw Ngaihno ci aa ka hopih ding na hi gige aa lungnuam sa in ka ih muthei aa katak sa zong cidam sakin lungnuam tak in hong ih musak ih mutnop na hong guan Ngaihno na hihi...

Atawn tungin ka lungnopna leh katha hatna ka bangkim hi den in la Zi hoih U leh nausung behleh phungsung a puah azuun zoding mite paktak Mo hoih Zi hoih mite etteh dingin Biak Pasian in Thupha hongpia henla sepna bawlna lawhcin na thupha hongpia denden ta hen ki kuansung kalum sak in tekte paktak mo ding in Sian in thupha hongpia ta hen Ngaihno...

                                                                                                             Keukawmkhatpan-Muangpu

Read More

UKPI, SIAHTUNG, SIAHPHEI LE ZO MINAM NI

UKPI, SIAHTUNG, SIAHPHEI LE ZO MINAM NI
                                                                         By Tual Khaw Mang

Tuma kum nih lai-in Zonet sungah “Mangkang Kumpite ong khan ciangin Pu Hau Cin Khup Ukpi-in koih a, Siahtung Siahphei kaaisak hi,” ci-in a ki-at lai khat ka sim kha ngei hi. Hih thu tawh kizomin I teltheih kim ding, ka telgennop khat om hi. Mangkang Kumpite in, mi om muang khat, (Hau Cin Khup) samin siahtung siahphei kaaisak hi loin amau (Mangkang Kumpi) ong khan ciangin, amau ong khan ma le ong khan hun laitaka a vaihawm, a ukte sung pan, a suan a khak, a luah ding mi a kan uh ciangin Pu Hau Cin Khup mu a, amah pen a beh Sukte na hi kha hi. Pu Hau Cin Khup pen ama khan ciangin siahtung siahphei a kaai pan hi loin a pu a pate khang tampi in gam ukin siahtung siahphei a na kaai khin uh ahi hi. Amah, Pu Hau Cin Khup, (Sukte) khan ma tham lo, a pu Kam Hau khan ma-in zong beh dang tampi na maangin siah na kaai uhi. Tua banga a maang ngei, siah kaai ngei behte lakah, Suante beh, Buansing beh, Thawmte beh, Guite beh, Tawmbing beh, Gualnam beh, Manlun beh cih bangin a mun le a hun zui-in na maang ciatin siah na kaai kimciat uhi.  Pu Hau Cin Khup khang panin Ukpi semin siah a kikaai pan hi lo hi. Hih bang a siahkaihna, a nam, a zah ciangtan, le a paulap bulphuh ngeina tawh siahkaihna pen Pu Hau Cin Khup’ pu ahi, Pu Kam Hau khang ciangin a kizang denden sate tungtawnin ngeina kip tawh kizui-a kikaai ahi hi. Tua Kamhau Upadi pen tuni dong mahin kizang lai hi.

Hihci bangin Mangkang Kumpi in a uk ngei, a hawm ngeite mah, gam uk dinga a koihna in, amaute’ gam-uk siamna. a pilna uh ahi hi. Tua hunin Mangkang Kumpi in gam tampi, kum tampi sung na uk khin uh ahi manin a hawm ngei a gen ngeite mah zang le-uh mipi ki-uk zo cih, a muhna uh tawh kizui-in a na zat uh ahi hi. Saizang, Kapteel Ukpi Pu Thuam Thawng bang, Mangkang Kumpi tawh sial banin Thangpi-ah kilemna -thukimna bawl khin napi uh, Mangkang Kumpi lehdo-in Myo-ok suamna-ah na makai zawzen hinapi, ama ta, a suan a khakte mah vaihawmin na zang veve uhi. Khamtung gam vaihawmte in tua hun lai-in siahtung siahphei a na kaih pen, tua hun lai-in sum (dangka) kizang nai lo ahi manin lo pan a piang, khawhsa an - vaimim le taang tawh ahi zongin, thatang - tuuktha le khaaltha tawh ahi zongin, sa-phei saliang - innsa liang, gamsa liang tawh ahi zongin kipia a, thagui thatang zangin, khua-ul kaai-in kipia ahi manin kikhasiat ngaihsutin kimangngilh lo hi. A ukte in siah a kaih mah bangin a galte kiang pan daalin kem a, kial a tunteh vaak hi. Tua banga a beelte in a belhte uh ‘To’- in nei uhi. Tua bang a, gal hatte le a thukhual, a thumaante mi tampi in na beel a, Ukpi lian na suak hi. Tua hi a, mite a hu zo ding, a vaan zo dingin ‘To’ muanhuai a kizong hizaw hi.  A taktakin ci leeng, nidang pek a kipanin tuhun dong, mun khempeuhah siah (tax) kipia hi. Tuhun mahmahin zong gam lian tampite in, a gam mite tungah siah (tax) tampi na la uhi. A Kumpite uh muanhuai, belh taak ahi manin ei mite tampi zong amau gamah gammi a ong san ding uh ut-in cihmawh tunna-in kinei hi. Tua manin Zomite ‘Thupha ngah Minamte hihang’ i  kici liang hi.

Siahtung Siahphei Beina: Mangkang Kumpi in Kawlgam ong uk ciangin, Kawlgam Ki-ukna khen nih ong suah hi. Kawlgam Zaanglei teng pen Ministerial Burma kici-in, Shan, Chin, Kachin - Mualtung Gam a kici teng pen Frontier Areas Administration ci-in nam nihin ong uk hi. Leitung Galpi Nihna le gal ven zawh hun ciangin Bogyoke Aung San makai-in Mangkang Kumpi tung pan Suahtakna (Independence) laak ding a kisawm hun ciangin ‘Mualtung mi teng tawh kipawlin Independence la khawm ding’ ngimna tawh Mualtung mite ong pawlzot kawikawi hi.

Tua thu teng tawh kizomin a Khatveina, Pinlong Kikhop – 1946 March kha-in Shan Sawbwate makaihna tawh kibawl hi. Khamtung panin Hakha pan Chief Kio Mang, Falam pan Chief Hlur Hmung, Tedim pan Chief Pum Za Mangte pai-in kamphen dingin Falamte Kawl Sum Taikwel tonpih uhi. Tua kikhopna-ah Kawlgambup kipawl a, Independence laak ding khensatna taktak kinei zo lo hi. A diakdiakin ei Khamtung mite bang, Mangkang Kumpi mah ki-itin, kimuangin, Mualtung gam teng Mangkangte mah in a tuamin ong uk leh cih ngaihsutna kinei pian hi. Tua munah Chief Pum Za Mang in: “Bangbang i ci ta zongin, Kawl tawh kipawl kei leeng, Kalemyo pan a antang puak ding ong kikhaktan bek leh zong cimawh lua ni in, I paunak-a, ‘nga dongtuak’ a cih bang kha ni,” a cih ciangin Zaanglei le Mualtung teng kipawl ding lamah awnzaw uhi. Ahi zongin khensatna, thukimna laipi, letmat thuh nading ciang tun zo nai lo uhi.

A Nihveina Pinlong kikhop pen 1947 February kha kipat lamin Pinlong khua mahah kibawl hi. Khamtung gam panin Hakha pan Chief Kio Mang, Falam pan Chief Hlur Hmung, Tedim pan Chief Pum Za Mang ding hinapi, a cidam lo ahi manin, ama taangin Chief Thawng Za Khup pai a, kam phen dingin U Vum Khaw Hau in zui hi. Tua kikhopna-ah Bogyoke Aung San va pai-in ama makaih siamna mah tawh February 12 ni-in  “Kawlgambup, Zaanglei le Mualtung Kipawl ding Thukimna Laipi Letmat thuh uhi. Tua thukimna tawh kizui-in, Kawlgam Zaanglei le Mualtung teng Kipawlin Independence la khawm ding; tua tawh kizui-in Democracy ngeina tawh ki-uk ding” cih thu kithukim uhi. Tua hi a, Ukpite in zong a siahkaih, a bum kaih teng bei ding cih, thei khin uh a, 1947 December kha-in Siatvatna - Compensation ngen dingin Yangon khua-ah  taangmi (kusale) paisakin Kumpi tungah siau uhi. Tua hun a kipan Siahtung Siahphei bei nading a thu kipan hiamhiam ta hi.

Leitung Galpi Nihna (II World War) ong om ciangin Mangkang kumpite in Khamtung gam nusia-in India gamah nungkik uhi. A nungkik ding uh ciangin Chief Pum Za Mang tonpih sawm uh a, amah’n zui nuam loin busim hi. Galven khit, 1945 kum a kipanin Khamtungah gam-uk zumte kihong kik ta hi. Tua hun ciangin Chief Pum Za Mang in Mangkangte a zuihnop lohna hangin thu kibawlin Ukpi za panin tawlkhat sung ‘under suspension’-in kikoih hi. Tua hunin Kamhau gam sung a hausa makai pawlkhat in tua thu meetbawlin Tedim gam sung teng, amau khawk ciatah khenin siah kaih ding hanciamin siau ciat uhi. Hihte in siahtung siahphei bei ding a siau hi loin Ukpipa’ siahkaihte, amau teng in hawm ding a, siah a kaih theih nading uh a siau ahi uhi. Ahi zongin hun tawh kizui-in siahkaih bumkaihte bei ding cih thu om khin ta, cih a theih uh ciangin Siahtung Siahphei bei nadinga a vaihawm, a makai-in ong kineih uhi.  Hih thu tawh kizomin Falam Mangpi Zum Lai, General Miscellaneous Proceedings No. 72/8T 1946-ah Report sungah 1. xxx,     2. xxx, 3. xxx,4. In all these proceedings, both Mr. Wilson and Mr. West were of the opinion that these frivolous and mostly false charges were brought up mainly with a view to have Chief Pum Za Mang removed from his Chieftaincy and his tribal area broken up into Independent petty Chieftaincies. From the perusal of the records and the existence of the memorials, to His Excellency the Government of Burma, there is no doubt that the only motive behind all these agitations was the desire to have petty Independent Chiefs and to break away from the control of Kam Hau Chief. While Chief Pum Za Mang may not have been entirely blameless in his dealings with the people in the past, I agree that the present charges after a lapse of some years were brought up at the instigation of the anti-Chief Pum Za Mang with the sole purpose of having him removed and his area broken up. It is quite well known that the Zos, Thados, Muizawls and Tuithangs have been trying to break away from the Kamhau rule. When the chances of their becoming Chiefs themselves appear gradually dimmer, they became the leader of commoners wanting no chiefs at all throughout the district.

5. It appears that their agitation is going to succeed. It is learned that Gov’t. is considering the question of the abolition of chiefs very seriously. In fact, the matter seems to be one of a foregone conclusion. Therefore, I do not see any necessity in examining in detail all these charges – brought up against Chief Pum Za Mang. The idea underlying the original order of the Deputy Commissioner and the Frontier Areas Administration to peruse the enquiries fully was to ascertain if Chief Pum Za Mang should be ‘officially’ re-instated once and for all. This consideration no longer exists in view of the probabilities that Chief’s post will be abolished and the present incumbents pensioned off. It is also likely that the present tribal divisions will be subjected to carving up to suit the demands of an administration by Intermediate Councils or by Myo-okes.

6. Therefore it seems to me that the wishes of Zos, Thados, Muizawl Headman, and Ex. Subedar Thang Za Kai of Tuithang will have been automatically met in the near future by Government’s orders. They will most probably have their own respective Intermediate Councils independent of any single chief. It is also a foregone conclusion that all customary dues will be abolished as from 1st January 1948.

Hih a tunga kigelh thute i et ciangin Zogamah Siahtung Siahphei a kikaihna hita leh a beina hita leh leitung pianzia le a hun zui-a a kikaai, a hun zui mah a a bei hi a, mi pawlkhat makaihna tawh a bei hi lo hi. Ahi zongin mailam Nainganzi paidan le mipi’ lungsim ngaihsutna zawh nading a geelsiam, a mu kholsiamte in a piang thu khatpeuh, hun khatpeuh meetbawl thei-in (a khuan a ye) laak siam hi. A taktakin tua hun lai-in Ukpite bang na navaak uh henla, zu ne bekin na nitum loin, na pilvang deuh uh hileh, “Kawlgambup Kipawl a, Independence kila ding; Democracy Ngeina tawh gam vaihawmna kinei ding; Khanggui kizom a ka siahkaih, ka bumkaihte uh beisak ding thukimin letmat thuh khin hi ung; Siatvatna - Compensation zong siau khin ung. Siahtung siahphei kaai nawn lo ding hi ung,” ci-in na taangko kha zenzen bang hileh, mipi’ lungsim ngaihsutna kilamdang zo mahmah ding hi.    

ZO MINAM NI ONG PIANKHIATNA - Ei Zomibup adinga Ni thupi pen ahi, Zo Minam Ni ong Pianna le ong Piankhiatzia bulpat dih ni. Kawlgam, Mualtung Gam (Shan, Chin, Kachin) vaite tawh kisai kantelna, April 1947 Maymyo-a kibawl, (Frontier Areas Committee of Enquiry)-a thu-khensatnate pen Kawlgam  Governor-pa, a Vuanzite le Mangkang Kumpi mahmah in kipsak hi. Tua thukhensatna tawh kizui-in Paletwa pen, nidangin Rakhine gam tawh kigawm hi a, Khamtung gam panin Constituent Assembly (တိုင္း ၿပဳ ျပည္ ၿပဳ ျပည္ သူ႕လႊတ္ ေတာ္ )-ah 6, 1947 May kha sungin kusale – taangmi kipaisak hi. Tedim panin Capt. Mang Tung Nung, Falam panin U Sa Vut, Hakha panin U Ngun To, Kanpetlet (Mindat) panin U Vawmthu Mawng, Paletwa panin U That Hlaing-te kiteelin, Matupi panin kusale om zo nai lo ahi manin  Dy. Counsellor U Vum Kho Hau in tua mun la hi. Kawlgam ‘Suahtakna’ – Independence I ngah ciangin U Sa Vut le U Ngun To-te Gam-uk Vuandok lamah pai uhi. Tua ciangin U Ngun To’ munah U Lian Thum ong lut a, U Sa Vut’ munah U Tial Dum ong lut hi. Tua hun ciangin Matupi taangmi dingin U Sang Ning zong ong tung ta a, Khamtung gam vaihawmna – Ministry of Chin Affairs pen amau teng in tavuan ong la ta hi. Kawlgam Independence zong kingah khin ta a, mailamah Parliamentary Democracy tawh kikalsuan ding hi ta hi. တိုင္းၿပဳ ျပည္ၿပဳ ျပည္ သူ႕လႊတ္ ေတာ္ kusale-te zong mailamah Hluttaw taangmi kiteelna-ah kihel nuam ding, mipite’ mee mah deih ding ahi manin, party zong ong neih uh kul ta hi. Tua munah Tedim panin Captain Mang Tung Nung makai-in Khamtung Suahtak Vaihawm Pawl – KSVP ci-in Party min phuak hi. Ukpi Pum Za Mang makai-in Thu Hoih Vaihawm Pawl – THVP ci-in Party min phuak hi. Khamtung gam Vuanzi U Vawmthu Mawng makai-in 1948 February 20, 21, 22 sung teng, Falamah kikhoppi khat kibawlin hun kilaihna, siahtung siahphei beinate taangpi tungah kipulaak hi. Tua lai munah a kikhawm mi tul nga - 5,000 pha kci hi. Nainganzi tawh kisai mipi kikhopnate tuhun dongin 10 tawh hawm leeng a taktak tawh kituakzaw hi. Ahi zongin hih pen record a kiciamteh ahi mah bangin a phazah bel thupi lua lo hi. Tua hunin Zo Minam Ni cih min kiphuakpah nai lo hi. 1950 kum October ni 9 ni, Chin Affairs Council kikhopna-ah Zo Minam Ni dingin 1948 February 20 ni kikipsak hi. 1951 February 20-22 sung a khatveina Zo Minam Ni Pawipi, Mindat khua-ah kibawl hi. Tua ni-a kipanin tuni dongin kum 60 val, kum simin Zo Minam Ni kibawl hi. A kibawl sim mahin, Zomi kithutuak a kipumkhat nading, I minam le I lai, I paute mangthangsak loh nading, gam khantoh nading cihte sangin Siahtung Siahphei thu, Ukpi thu, Sukte beh langpan nading thute mah kitamgen pen hi. Nidang a siahkaihna le siah piaknate pen mi khatpeuh, beh khatpeuh in amau ut thu tawh a kivaihawm hi loin a khuahun zui-a kizang ahi manin kuamah kimawhsak nading om lo hi. Tua ahi manin a beisa thute taangthu-in koihin ki-it  kilem nading thute, kithutuak a kipumkhat nading thute, gam khantoh nading thute ngaihsut-huai, genhuaizaw ka sa hi.

Hih thute I ettel ciangin Sukte khan ma a, a khang , a vaihawm peuhmah pen galhaang, vaihawm siam, gal le sa lauhuai panin mipite  a hu zote, Ukpi na suak uhi. Sukte Ukpi ong suah ciangin Tualgal, khua khat le khua khat kido kithahnate ong bei-in mipite in zong nuntak nading lokhawh mabante lungmuangtakin sem thei ta hi,” ci a kigen ngeite zong kiza ngei kimciatin um ing. Tua hun laitak mahmahin zong Kawlgam hitaleh gamdang tuamtuamte-ah hitaleh a kumpite uh, a ukpite uh ’gamtat thei mahmah uhi. Sukte khan ma-a a vaihawm masa pawlkhat bang in “hei tang, tutang peuh a khot ding ciangin singkhuah bawk taangin mi’ ngaltaak peuh-ah  khong” ci-in kigen ngei hi. Tua bek hi loin hun kilaih sung a, vaihawm (council) pawlkhat bang in a mipihte thu a sit ciangin “bungbu khai-in a nuai-ah zasan halin a khu diiksak kawmin sit” cih kiza ngei hi. Sukte Ukpi ong khan khit ciangin kum tampi, khang tampi sungah tua bang liang tatsiatna kiza ngei lo hi. Kum thum sung guah zu loin kialpi a tun hun sungin Pu Kam Hau le Pu Za Paute in a saiha le a sialte uh zuakin Kawlzang panin buhtang lei-in a mipihte puksihna ding pan hon hi, cih bel a kigen thu khat hi. Pu Kam Hau in Kamhau Upadi na bawl a tuni dongmahin kizang lai hi. Siahkaih, Bumkaih, Tuuktha, Khaaltha, Innsa liang, Gamsa liang cihte zong a thu, a la, a hang, paulap khat zui-a a na kaih ahi hi. Tu-a kipan Zo Minam Ni I bawl ciangin ki-it kilem nading, kithutuah nading, I vekpi-in maa pang khawmin, khantoh nading thu vive I gen nadingin a kuamapeuh kong hanthawn nuam hi.

Read More

Ni awk in valh sun nai1 pawl 12/26/2019

Read More

A Tanu Pasal Neih ni-a APa Kam vaikhak na

Na pianna inn,napa kiangpan in,na pasalkiang zuan in,napaikhia tadinga tua ahih manin hih thu te puanbangin silhden in.

Ka thu sangin napasal thu ngai zaw in,banghang hiam cih leh atawntunga na ompih dending hizaw hi.

Na omna inn ah,nalungsim khenpeuh pia inla,na nutsiatna inn lunggulh in nunghei kei-in,innkuan buaina piangsak thei hi.

Na pasal it inla zahtakbawl in,pasal it a,azahtak siamte nungkik ngei lo uh hi.

Na pasal ii hongtheihpih lo'n na nu leh pa, an themkhat zong hongpia kei in,guta nasuak khading hi.

Na pasal alawmte tawh a-omkhop hun uhciangin nanghongsam a,hongpau pih uh ahih kei leh nehkei-inla paupih kei in.

Na pasal tungah lungkim lohna naneih ciangin awging tawh tawngkei inla, aw nemtak in gen in.

Na pasal simloh pasal dangte tungah namit tawsak in.

Na pasal tunga naheh nate kei leh na nu tungah honggen kei-in napasal ka mukhial khading uh hi.

Na pasalte innkuan sungbek ah napasal ki cinlohna leh nalungkim lohna te gen in,tua in nateek te tawh kipumkhat na ahoihpen ahi hi.

Na nu leh pa, nasuahpih sangngam te sangin napasal nu leh pa,asang ngamte itzawh sawmzaw in,tua in nupi picing hihna kilahna ahi hi.

Read More

Sia Daw Lian Khen Kam Mal Hoih Pawl Khat

⭐Pastor,sia te aw lovegift tam na le mui nam na mun te bek ah lut kei ni.
     A mui nam zo nai lo te kiang nawh lut zaw ni.

⭐Ih tha hat Het lo hi.
     A hat lo ih tha te dah sak lai lai kei ni.

⭐Biak inn lam na dg,camp bawl na dig fund tam pi" ih zon pen thu pi mah" na pin
    Tua sag a thu pi zaw ih pawl pi mi ci mawh te huh na dig fund thu pi zaw lai hi.

⭐Tu lai tapidaw te LST bag in ki gam ta lo aa
      Ei gam tat tawh ki zui in LST leh kaih zaw hi hag.

⭐Thu ih nget cag in ih deih zah" ih nget ngam bag in
      A sep lam zog nget na tawh ki tuak in sep sawm leg.

⭐Isareal mi te eygip gam pan in a pai khiat uh pen,gam nuam a zuan,sal pan suak ta uh hi aa
     Zomi te zogam pan ih pai khiat cag na sep na gam,sin tawl na gam,sal suah na gam a zuan ih hi zaw hi.

⭐Sia te aw,nug zui mi pi te hai lua ci ci kei ni.
      A mau a hai teg a om man un ei ten Sia a ngah ih hi zaw hi.

⭐Kawl te milim bia hi na pi,piak khiat na hat mah" uh hi,tapidaw ten ban dek lo hi hag.
    Tapidaw ten ci mawh te ngah dig ham phat na teg duh gawh lai zen hi hag.

⭐Ph ih uk zah in
      LST sim uk zen leg.

⭐Ta te aw nule pa sa sin,salung pia tang tang un maw.
      Nu le pa kha siat na in khan sih na a hi hi.

⭐Thu um mi,tapidaw ih hih le tha dah loh dig a hi hi.
     Pual in zog na sem lo te an na pia kei un ci hi.

(A kai khawm Tg David Suum)

Read More

Kua Ten Zi/Pasal Nei Hak Thei

⭐Pasal music uk ten zi nei hak thei hi.
      Bg hg numei om ta kei le music tawh lug kim lel.

⭐U pen numei ten pasal nei hak thei hi.
      Bg hg a nau te le nu le pa khual lua.

⭐Pasal ngim na hau lua ten zi nei hak thei.
     Bg hg zi nei le a sep zawh dg tawm ta.

⭐Numei pil na nei,lai tan nei ten pasal nei hak thei.
     Bg hg a pil na,a lai tan te ki phat sak pih.

⭐Numei la siam ten pasal nei hak thei.
      Bg hg la siam aih man inpasal mai" deih lo hi.

⭐Pasal thu khual lua ten zi nei hak thei hi.
     Bg hg a zi a vak na dg lug kham hi.

⭐Numei hi ta le pasal hi ta le sum uk lua,sum deih lua ten zi/pasal nei hak thei.
      Bg hg sum bek bek en kha.

⭐Numei min than na nei te, gtn=la siam,min tami,na sep nei,degree nei ten, cih ten nei hak thei hi.
     Bg hg Pasal sag a na sep kin zaw.

⭐Khual lim zin lua ten zi,pasal nei hak thei,
     Bg hg,a hun hoih teg khual gam ah va zang.

Credit: Tg DavidSuum

Read More

TANGTHU THEILENG KIKHIAL LO

TANGTHU THEILENG KIKHIAL LO:
=========================
Zomi National
August 6, 2014
Sukte Independent Army A Pianna Thu

Free Chin movement galkapte in mailam nasepna ding thu kikum dingin Bu teng leh khua hausa upa teng Taakzang phualpi ah 1.9.1944 ni-in thu kikupna a bawl khituh ciangin Kaptel khua mi Bu Tun Thual in: “Eite in Tedim gam sungah a om Japan galkapte sim kawikawi in Tedim gam panin Japan galkapte nawh khiat siang ding ngimna tawh i leitang panin kipan khia i hih manin, i kipatkhiatna mun leh gam tamsak in SUKTE INDEPENDENT ARMY cile hang FREE CHIN MOVEMENT sangin kilawm zaw lo ding hiam” cih thu a sun ciangin a kikhawm vekpi lungkimna tawh kipsak in Sukte Independent Army tazeih bawk leh sante bawlin kisuang sak pah uh hi.

Pu Hau Za Lian in thugenna nei in: “Tu a i phuah galkap min Sukte Independent Army pen galkap i phuatkhiatna mun leh gam tam a, i phuah hi a, hih galkapte in Tedim mite hong bawlsia, innteeng sila bangin hong zang, mi thatlum Japan galkapte simawhna ding min ahi hi. Tedim gam sungah a om Sukte, Sihzang, Dim Saizang, Vangteh, Khuano leh Kamhau mi ahi Zomi khempeuh Japante khut sung panin i hotkhiat zawhna dingin, han ciam in sem ding hi hang. i mipihte adingin i nuntakna kham in i galte a do ngam leh a sim ngamte hi ding hi hang”cih thu a gen khit ciangin tawlnga uh hi.

Thu Kin Laikhak:
Sukte Independent Army makai Pu Hau Za Lian in khua tuamtuam ciangin a om galkapte vaan dingin Taakzang phualpi panin a zin khiat lai takin Pu Thuam Za Mang, Pu Thawng Za Khup leh Mualbem Pu Pau Za Kam-te in a khak, thu kin lai khak khat kingah a hih manin, Pu Hau Za Lian kisamsak kik in, Laitui pan hong kileh kik hi. Tua thukin lai khak sungah: “Sukte Gungal nisuahna gamah a om Ukpi, Hausate leh thau khempeuh kimanin Suahlim ah kipuak ding cih thu om a, tua tawh kisai in Pu Za Biak Mualbem khua ah 14.9.1944 ni-in tung ding hi” cih thu ahi hi.

Pu Hau Za Lian in tua laikhak tawh kisai thu kikuppih dingin khua tuamtuam ah a om Sukte Independent Army’ bute leh khua hausa upate sam in 7.9.1944 ni-in Taakzang phualpi ah thu kikupna khat nei uh a: “Gungal Nisuahna gam ah a om Ukpite, Hausate leh thau khempeuh Japan galkapte in mat khit sawm ahih manin tuate nuntakna tawh i huut kul ding hi. Gal simna ding mi kisam leh van kisamte khua ciat panin tavuan i lak kul ding hi” ci-in thukim uh a, lungkimin letmat a thuh khit uh ciangin gun kantanna dingin khua ciat pan in khauhual puak ciat dingin a kivaikhak khituh ciangin, a gal simna dingin a kisam thau leh thautangte a khua leh a mi phazah tawh kizui in thau lawng 421 leh thautang 170000 kihawm uh hi.

Pu Hau Za Lian leh Pu Thawng Cin Thang maikaih Sukte Independent Army leh Western Chin Levy-te Taakzang phualpi panin 8.9.1944 ni-in ding khia uh a, Suklui piau ah giahphal sat uh hi. Gun lei om lo ahih manin kawn tawh kinawn uh a, ni thum sungin galkah khin uh a, Mualbem khuataw Beelmual ah giahphual sat uh hi. Pu Za Biak leh Japan galkap 15 leh CDA galka 30-te in 13.9.1944 ni-in Mualbem khua tung hi cih a theih uh ciangin, Beelmual giahphual pan in dingkhia uh a, zankimin Mualbem khua umcih uh hi. Mualbem khua a umcih khit uh ciangin, zingsang khuavak milmial hun kap ding cih thu a kipiak khituh hangin Sukte Independent Army pawl khat in a thau uh gin sak kha ahih manun kikapna piang pah hi. Japan galkapte khat si in Za Biak leh CDA galkapte hing mat uh hi. Suangzang khua mi Sukte Independent Army galkap Pu Phawng Kim si-in, Ngo Nang, Vial Lang, Hau Khual leh Khai Za Khup-te liam uh a, Suanzang khua ah kipua pah hi.

Mualbem khua a lak khituh ciangin 15.9.1944 ni zingsang pan kipanin ukpi Pu Thuam Za Mang innah phualpisat in khua tuamtuam ah a om mite leh mun tuamtuamah a om CDA galkapte khempeuhte Mualbem khua ah Sukte Independent Army-te tungah ki-ap dingin thu kizasak hi. Tua thu kizaksakna tawh kizui in CDA leh Ukpi ahi:

1. Ukpi Pau Kam (Limkhai)
2. Ukpi Lam Zam (Limkhai)
3. Ukpi Kim Piau (Vangteh)
4. CDA galkap Vum Khaw Hau (Lawibual Japna phualpi pan)
5. CDA galkap Awn Ngin (Suahlim Japan galkap phualpi pan)
6. CDA galkap Gin Khaw Thang (Thalmual)
7. CDA galkap Gin Za Tuang (Tonzang)
8. CDA galkap Vung Suan (Gawng)
9. CDA galkap Pau Za Kam (Sihzang)

ki-ap pah uh hi. Tuate in lai thei khangno vive ahih manun amau tawh kituak in za tuamtuam kipia pah hi.

Tua khit ciangi Mualbem khua leh a kim khua tuamtuamte ah makaite pai in Japante lehdo dingin galkap a don uh ciangin thamnuam takin a neihsa galhiam ciat tawh lut pah ziahziah uh a, a kisam van zat dingte pia in za tuamtuam tawh galkap kisin sak hi. Hong lut mi tam in Sukte Independent Army kithahat ta ahih manin Japna galkap phualpi tuamtuamte sim dingin, a kisapna bangin galkap om zah khenin Japan phualpi tuamtuamte sim ciat uh hi.

Galsimna-ah Makaite Leh A Simna uh Japan Phualpite: Bu Tun Thual makaihna tawh Saizang khua, Bu Thawng Dam leh Bu Thawng Za Khen makaihna tawh Khumvum, Bu Gin Thang leh Bu Phut Thang makaihna tawh Taakheuh leh Sialtun, Bu Suan Thang makaihna tawh Phunom leh Thangnuai gam sung khempeuh, Bu Khan Do leh Bu Ngin Khual makaihna tawh Khualummual, leh Thangngal, Bu Tun Khaw Nang leh Bu Hau Lian makaihna tawh Zongkong, Bu Pau Za Kam, Bu Khai Khaw Hau, Bu Lian Vung, Bu Tun Khaw Nang, Bu Suang Son, Bu Son Ngul leh Bu Thang Ngin-te makaihna tawh Suahlim, Bu Thawng Khen Thang, Bu Sing Lian leh Bu Suang Lian makai in galkap hong tung thak khempeuh tawh Suahlim sim khawm in zo mang uh hi.

Suahliim Japan phualpi a kilak khit ciangin Sihzang kual ah a om: Suangaktuam, Khumvum leh Sakhiang-te a nawt maizawhna dingun Sukte Independent Army makaipi Pu Hau Za Lian, Pu Lam Khaw Mang, Pu Thian Pum, Pu Lian Thawng, Pu Awn Gin, Pu Son Ngul leh Bu Sing Lian-te sauveipi a kikup khit uh ciangin, galkap om khempeuh khennih kisuah in Japan phual mun thumte sim dingin thukim uh hi. A thukimna om bangin Bu Khai Khaw Hau, Bu Lian Vung, Bu Mang Hau, Bu Sing Lian leh Bu Suang Lian-te maikai in Sukte Independent galkapte in Vangteh, Thuklai, Buanman, Pumva, Lophei leh Limkhai khuate, 14.10,1944 ni-in Suangaktuam leh Tungvum phualpite sim in zo uh a, Bu Pau Za Kam leh Bu Vum Thawng makai Sukte Independent Army-te in Sakhiang simin zo uh hi.

Sukte Independent Army leh Western Chin Levy-te in Sihzang kual leh Sukte gam sung khempeuh ah a om Japan phualpi khempeuh a sim kawikawi hun sung mah in, Kam Hau gam sungah a om Japan galkap phualpi khempeuh, Lamzang, Gawngmual leh khua tuamtuam panin a neih uh galhiam ciat tawh hong pai uh a sim in nawt mang uh hi. Tedim gam sungah a om Japan galkapte simna ah Pu Hau Za Lian leh Pu Thawng Cin Thang in makaih hi. Sukte Independent Army leh Western Chin Levy-te in gam leh minam itna awh a nuntakna uh khamin Japan galkapte leh a phualpi khempeuh na sim uh a, Japante a nawt mang uh hi.

Sukte Independent Army A Beina: Sukte Independent Army-te in Japan galkapte leh a phualpite uh a zawh khit uh ciangin Western Chin Levy Indian 5th Division galkap makaite tungah 27.11.1944 in gualzawhna pawi kham in, tavuan ki-apna Thangmual ah nei uh hi. Tua ni pen Ni Thupi Ni ahih manin kimangngilh thei lo hi.

India gam Imphal panin England galkap 5th Divisin-te, Kawlgam sungah a om Japan galkapte sim dingin hong kuan uh a, Thangmual hong tun uh ciangin Sukte Independent Army leh Western Chin Levy-te in Tedim gam sungah a om Japan galkap khempeuh na nawt mang khin ta uh hi.

Tua ni-in Sukte Independent Army makaipi Pu Hau Za Lian leh Bute khem peuh leh Western Chin Levy makaipi Pu Thawng Cin Thang leh Bute khempeuh leh Tedim gamsungah a om Ukpite khempeuh leh Hausate khempeuh pen England galkap 5th Division makaipi Lt. Col. Warrin leh Majr Franklin-te in maitai tak leh lungdam takin na dawntuah in, kha leh khat zahtakna kipia uh hi.

Major Franklin Thungenna: “Ko England galkap 5th division in India gam leh Kawlgam sungah a om lai Japna galkapte sim in, a not khia dingin hong pai ka hi uh hi. Ahih hangin kote sep tangin; Sukte Independent Army leh Western Chin Levy galkap (A kibute) in, gam leh minam itna tawh na nuntakna uh kham in na neih uh galhiamte leh an nek tuidawn zang in Tedim gamsung khempeuh panin Japante not khia khin na hih manun, lungdamna lianpi tawh pahtawina kong pia hi. Kawlgam sungah a om lai Japan galkapte kote in sim ding tavuan ka la dinguh a, note in na khua leh na tui uh na zuan ciat dinguh hi” ci-in gen hi.

Tua ciangin Sukte Independent Army leh Western Chin Levy galkapte lungkim tak leh lungnuam tak in a khua leh tui ciat zuan in ciah uh a, a khua uh leh a mun a gamte uh a tun uh ciang a hih zawhzah ciatun gualzawhna pawi kham uh hi.

Thukhupna: Tua bangin a mun leh a gam ciat ah gualzawhna pawi a kham uh ciangin Sukte Indepndent Army cih zong phawk nawn lo liang in: A khua min, a beh min leh a bawng min tawh gualzawhnapawi a kham zong om uh hi. Bangbang ahi ta zongin Sukte Independent Army-te gam leh minam itna hang tawh hong bawlsia leh hong sim mawh leh thu omlo pi in hong that ahi Japante khut sung panin i pu leh pate a suakta ahi uh hi. SUKTE INDEPNDENT ARMY-te sepna pen a khang a khang in kimangngilh thei nawn lo ding hi.

Theih Ding:

Western Chin Levy cih pen England makaihna tawh Western Levy-te in 14.5.1942 ni-in a kiphuan a, Pu Hau Za Lian pen Commando Company Commander za na pia uh hi.
Japante in Zogam hong lakuh ciangin England galkapte India ah nung kin uh a, Western Chin Levyte Lt. Pu Thawng Cin Than makaihna tawh Sa-ek ah kibu in galtai uh hi.
Japante in Tedim gam hong tun uh ciangin, Chin Defence Army phuan uh hi.
5.6.1944 ni-in Pu Hau Za Lian in Japante ledo dingin a vaihawm simna ki thei hi.
6-10.6. 1944 sung in Japante ledo dan ding kikupna nei uh hi.
14.6.1944 ni Sukte Independent Army don kipan hi.
1.9.1944 ni-in Free Chin Movement pan in Sukte Independent Army ci-in a min kheel uh hi.
8.9.1944 ni-in Japante sim kipan uh hi.
15.9.1944 ni-in Mualbem khua a zawh khit uh ciangin, Phualpi in nei pah in, Japante mizat ahi Chin Defence Army-te Sukte Independent Army-te khut sungah ki-ap uh hi.
14.10.1944 ni-in Zogam sungah a om Japnate nawt khia khin uh hi.
27.11.1944 ni-in England 5th Division galkapte tawh gualzawhna pawi kham uh hi.
27.11.1944 ni pen Sukte Independent Army in Kha guk leh ni li sungin a ngimna uh ma tun uh a hih manin, a bei hi ta hi

Read More

_KHUTCIN, KHECIN A SUNGLUT DAMSAK DAN

🌾🌾🌾


*_KHUTCIN, KHECIN A SUNGLUT DAMSAK DAN:_*
Khutcin or khecin Hong sunglut ciang in na mahmah hi.
_Na thuak lo in a dam theihna ding hih a nuai abang in na sin dih ve.._

_*Lothaang San (Red Onion)* pum khat la in a sung na khutpi, na khepi a thawlkhom in akua / avang bawl in._

_Tua khitciang in na khutcin , na khecin a sungtum pen Tua sung ah Thun inla puansia siangtho tawh tuam in.
Zan na lup ding ciang Tua bang in bawl in luppih in zingsang na thawh ciang phel khia in.._

_Tua bang in zan 2 bang na bawl leh Hong dam ding a ....nakik ngei nawn lo ding hi. 

_Theih ding *Lothaang sung ah na cin a tum pen na guan ciang in Hong na pian ding hi, thuak tentan in sawt na lo ding hi*_
Lungdam..
_*Ref : Without Medicine*_

Read More

Thuman genleh Sazaang kap

Ihpu ihpa te'n, "Thuman gen leh sazaang kap, aval" cih paunaak, kamciin khatnanei ngeii mah uhhi.Tua ahihleh thuman genlo ding maw? cihtawh ong kizom pahhi. Amau pen thumangen cihding vet zong hilo in, zuau ngeilo uhhizawlai hi. Tuni dong mahZomite azuau theikhollo hizaw hang. Zuau ding sawm masa lo hihang. Zuaulehang zong kithei phadiak hihang. "Zuau inakhaap tawn" ci-in kitheipahphadiak hi.Thuman gen cihpen namnih omdingin ka umhi. Kuamah a sukhalo thuman leh,thuman ahih veve hang midangte selphona asuak thuman cini.Midangte selphona asuakding thuman genna pen khat veivei Topa Zeisu mahmahinzong kul sa khollo ahitam kacihtha suak simsim hi.Bhm. cihleh pasal tawh amawh laitak aa kibantaang kaih, Jews te ngeina tawhhileh suang aa denlup ding numei nu ong kipaipihteh, Topa Zeisu in amawhnunakawk masa zaw lo in, amawhsakte kiang ah, "Note lak ah mawhna neilo pen insuang tawh deng masa un" na cihsan masa hi. Mawhna sang kheltatna, kineihnamudah zaw, entheilo zaw hidingin ka umhi.Ei, Zomite hilehang amawhnu mah bulphuh pah in, salpah gega kha ngeldinghihang. Topa Zeisu in amawhnu hawkgawp taaigawp masalo, mimawhnu ci inlah kolo hi. Mawh asalo zong hituanlo hi.Mimawh kimlai ava baantaang kaih, mawhzong athuduh te kiang ahzong, "Tuaahihleh noteng misiangtho maw? Mawhna bawl ngeilo maw? "ci-in zongnatawnggawp tuanlo in, aw neemtawh"Suang liik masa ding kua?" nacih san lelhi.Cinuam, ko nuam, daaisak nuam, selpho nuam hileh/kisamsa hileh, Pasian tapaahihna tawh amawhnu ci keini, ong kaai mipite laak aa amakai penpenpa mawhnapholaak thei mahmah ding ahihhang pholaak hetlohi.Zomite sung ah zong khat leh khat kithei mahmah, kithei tawmpak zong hilo,khangnih khangthum bang akitheite, khangtampi ateengkhawmte himawk ihihmanin ihthu kitheihsak mahmah hihang. Tuahangin zong khatpeuh in thuhoihgending ong kipan hileh ong genkhiat thuhoih ong pusuahma, akam akaat lianin agilsung ah gilzang vial bangzah kivial cih na etsak zaw ihihman in, thugina za nawnlo, munawnlo in gilsung aa omteng amu masa zaw ihihi. Mikhatgilzang vial bangzah ihmuh mahbang in ei mahmah zong thu khat sungding kipanlehang, midangteng in tuamah ong muhsak zel uhhi. Tua tengmah kikawi lehlehnateng in ahoih amulo, aginalo teng amu Zomite ihsuak gai hi.Mi mal tawm lua lai ihihman in ihthu kitheilua hikha ding hihang.Tuahangin ei sang midang ihtheihngeilohte um zaw, muang zaw, pii muhzawknalungsim a om hi aa, ataktak ngaihsun thei hilehang, midangte zong ihtheihnailoh man hi-in eiteng sang nahoih zaw tuan hetlo, na pilzaw tuanhetlo khadinghi.Ei leh ei pen tu aa ihkimuh sakciang asia pen hita in, tuavalkaan siatna aom nawnlo ahihi.Hihbang kacihteh, ihmawh hang phamawh kei aci kahipeuhmah keihi. Topa Zeisuin amawh numeinu kiang ah, "Nidangteh hici tat nawn ke'n" naci veve hi.Haka lam te aa ka zaak ngei khat ah, Rev. David Van Bik in Haka Lst ateeilai in khat tawh zawlta nei ahihhang Haka te'n apilna kisam uh ahihman inLst teeisuak sak veve uh cih kaza ngeihi. Amahzong a khialkha bek hi-in amipi in mawhmaina apiak amuhteh, anuntaakna beidong minam nasepna in zang aamakaipicing, azahtaak mahmah donguh hanciam suak pahhi. ci-in za ngei ing.Ahihhang pii muh pahding hilo hi. Ei lamsang numei pasal vaai ah, nambup inawlmawhna, phatmawhsakna tawmzaw ahihmel kitheilohi. (?)1965 kum in Falam gam, Tlau Hmun khua ( Ukpi Thang Cin Lian' khua) ah kaomngei uhhi. Pawlpi sung aa upa muan huaikhat in azipii tawh  nau nei zelzelnapi suakta lo in 7 bang khuai khinhi. Khatvei sangkhak sungin tua upa paleh Pawlpi sung mah aa upa khat ii tanu ngak  ngumngeek zawl tai ziau inazipi nusia hi. Pawlpi upa nih kihelna ahihman in buaina lian mahmah aa,Tuiphumsa teng "mawhsa maw mawhsa lo" vote kikhaisak in, "mawhsalo" in zohiau hi. Banghang aa zo cih, athu akikan kikteh, numei teng vote tawh azo nahi aa, amau paulap in, "mi pasal sut theilo ding cihpen numeite mailam khaktan nahi" naci zaw uh hihtuakhi. Eilam adingin, "zaw-aw" cihding ahihi.Ka gennop bulpi in, tua ahihleh mawh, khialicih in bang hi aa,  Amawhnu lehmawh pholaakte kua kimawh sak masa zaw aa, kua in hilhna thuak masa zawhiam? Hih mun ah pholak cihsang selpho(sialpho) cih kammal zat huai zaw dingka umhi.Khat veivei mawh kiselpho nopna om kei lehkileemna tampi kilam tuamdinginka umhi. Kawlgam ah Ne Win in mipi tul tampi athahkhaakna in amawhnakiselpho ding alau man ahihi.Mimawhlo kuamah omlo kawmkal ah, khat leh khat kiselpho pen Topa'n deihhetlo hidingin ka umhi. Tua hang in,"thuman gen leh sazang kap" ihcihnasung ah, "thuman gen" cihpen taanglai leh tuhun ihlaakdan kibanglo hikha inka umhi. Tuhun aa te ading in cini cile'ng,"Selpho na leh sazang kap, aval"cihding ong hidinghi.Kei mahmah zong hihbang dante nuam kasak mahmah khat hicitciat in kua mahilh akul hetlo, thaneem mahmahna ahihi. Kam gilo pau giapgiap kha kahihmanin ZIS bangah lawmte tengin , "E'n mi zolzol in nang na not khiakhia" ong ciuhhi. Kei thatang tawh hizolo kahihman in Pasian tung thungetna tawh ka apniloh khat ahihi. Ki zongsang baih mahmahhi. Ihcih khaakte ading khantawnmanding na himawkhi.Thuman gending pen gending mah ahihhang, gendan siamkul mahmah hihtuakhi.Innlam Biakna khawmpi delegates meeting khawng ah, inn papii te'n thu asunuhteh, kua mah lah kawk kha selo, selpho kha selo, khasia sak selo napi,kitel mahmah, mipi telsak mahmah dongin siam uhhi. Tuate pen thusun siam,gatang kaih siam hi-in, etteh huai mahmahhi.Thuman gen ihihhang, gtn. in tutak Kawlgam galkap kumpi bang va selpho, vapholaak kha lehang ong gawl at ding uhhi. Thusun siam lehanglah ong hehpihkik bilbel dinguh hizelhi.Hihteng ihkaihkhop kik takciang1. Thuman pen gending mahhi. Gen kei lehang Thu-ummi ihih thaman omlohi.2. Ih genteh tang genlo, selpho nopna tawh hilo in, deihsakna, hilhnopnatawh gending hidinghi. Thusun siam kulhi.3. Topa mahmah in mawhna mudah ahihhang kiselphona pen, amawhpa, amawhnusang kih zaw hi.4. Khat veivei thuman acih eibek athei ihkisak hang mikhempeuh in zongathei, agenlo nahizaw uhhi. Adiakdiak mimal vai bang ah.5. Mi khempeuh amawh ciat hi-in kimawhsaktuam nading omlo hi. Mawhdanakibanglo bek ahihi.6. Mawh ihsakpa/nu leh Topa akiho thei khinkimlai, e'n vamawhsak lailailehang ei ading hoih zawlo kha dinghi.7. Mawh ihcih zong mihingte san dan hi-in, Topa sandan thei hetlo hihang.8. Topa'n mimawhte thukhen ding aa leitungah ong koih nahihtuak hetlo hi.Hihteng pen kei leh kei thanem mahmah na tungtawn aa kamuh ahihi. Kuamahkawk nopna hilo hi.
copy Hang khan lian

Read More

Khutme leh Khutme zom

    

Hi tak a khut me leh na khut me na en kakik la.

A nuai a konggen thute tawh a ki tuak khahiam na simsuk dih ve..  Veilam a pen.( A ) a laita a pen ( B ) Taklam nawla pen ( C ) cih dan in hong khen ing..

A man kei khak le lah ki mawhsak kei ni.😎😄

A : Thusim a im cip thei mah2 khat na hi a. Na dan pen hoih na pi in nang leh nang ki muan ngam na pen. Nang din mun tawh ki tuaklo pi in hah kat nuam luapian teh. Mi thukhual mah2 mi hi cin Lungsim takpi tawh lungdam koh leh mi dangte huh, pan pih pen nuam a sa thei mahmah nam hi teh. Thu leh vai khat nang tungah vai puak hong ki piak ciang in. A tawp dong ma' tun lopi in a taw kik nuam lo mi na hihi. Na lawmte in mi khatpeuh tung a' na muan huai luatna tung tawn in honggen siat theih zel uh hang in. Kamkhauh leh thu hoih lo zakna te lungduai takin a dawh thei, a thuak zo nam na hihi. Na theih ngei loh te kiang ah nang leh nang a ki phat nuam mahmah mi khatna hi a, Ciam nuih bawla nuih na pen nuam na sa hi. A nuih suah huai lua khol lopi khatzong ngaih sunsun in a nui gawp thei khat hi teh..

B : Na khat limlim a pan ma sa hih na ut masa den a. A hi zong in mi dangte i hih masak ding na ngak masa phot zel se hi. Hong ngaidam in ci a thumna pen na haksat ngaihsut het kei a. Nang i na sepna khat ah na ci tak mahmah hi. Kin khat na neih ciang in tua na kin laitakin thudang na ngaihsutna ah na lutsak zo kei a. Itna leh ngaihna pen mi dangte bang lo in It pha diak ngai pha diak in na om hi. Na tung ah haksatna hong tun ciangin mi dang te huhna, ki sam na sa masa kei a. Nang mah leh nang mah in, kua ma theih loh kal a gual zawh sim pen na uk nam a hihi. Dawh theihna lungduai na pen nei napi cin, a hi zong a thupi lo no khat ah na heh baih mahmah ta leuleu thei hi. Na tupna sawmna khat pen lungkia mah ta le cin, na gual zawh dong a han ciam teitei mi na hihi..

C : Nang leh nang a ki hi sak.. a ki lian sak cih bang bel na hi lian' lua sam kei aa, a ki sa thei pian mi khat na hihi.  A thu nuam leh lungduai mahmah nam na hihi. Mi dang te i thupit sak, thupi ngaih sut ding pen na ut mahmah khat hi in. Nun lui pen a ciam tehteh nuam mi na hi kei a na mang ngilh nop te na mang ngilh ving veng thei hi. A mi lungduai mahmah khat hi na pi cin hong ki heh sak kha vang lak le lah, a nasia mahmah thei mi khat na hihi. Thudikna leh cih takna a thupi ngaih sut diak mi na hihi.

Read More

Paunak gamtuamtuam pan

Minam Tuamtuamte Paunak

😡📝 Na heh lai takin laikhak gelh kei in!  (Chinese)

🌋 Thuman khempeuh hoih khin lo! 
-French paunak

🌹 Pilna pen a zung kha a, a gah khum hi.
- Spanish paunak

🤓Kipilsakna in hansanna piangsak tuan lo hi. - - Czech paunak

🙈En loin dawng ken la, sim loin min thuh ke'n! - Portuguese paunak

🏫 Pilna khempeuh sanginnah kisin thei lo hi. (Hawaian)

🙈🙉 Khat vei khialh sangin nih vei dot hoihzaw hi. - German paunak

🤗Hun mawk beisak pen ei leh ei a kisuamlum i hi hi. - German paunak

🔫🗡️🛠️Galhiam pen a neipa adingin zong gal hi veve hi. - Turkish paunak

🤔Masak ding leh nunun ding a khensiamte mipil hi. - American paunak

🙅 I hihna bang a lungkimna pen lungnopna lianpen hi. - Jamaican paunak

🏃Tai tulkhat zinna ding kal khat pan kipan hi. (Chinese paunak

🙇🤕 Sagih vei na tuk leh giat vei tho in. - Japante paunak

💰Sum sangin hun manphazaw hi. - Japante paunak

Read More

Zomi number simdan

SIMNA

1- Khat
10 - Sawm
100 - Za
1,000 - Tul
10,000 - Tulsawm
100,000 - Tulza
1,000,000 - Then
10,000,000 - Thensawm
100,000,000 - Thenza
1,000,000,000 - Sang
10,000,000,000 - Sangsawm
100,000,000,000 - Sangza
1,000,000,000,000 - Awn
10,000,000,000,000 - Awnsawm
100,000,000,000,000 -  Awnza
1,000,000,000,000,000 -  Mak

KHA MIN
.
January-Theinosihkha
February-Tun kha
March-Dota kha
April-Dopi kha
May-Zing kha
June-Gam kha
July-Tangsih kha
August-Tang kha
September-Phal kha
October-Khuado kha
November-No kha
December-Kau kha

 

NIPI KAAL MIN

Sunday - Nipinini
Monday - Pizingni
Tuesday - Pithaini
Wednesday -Nilaini
Thursday - Laizingni
Friday - Laithaini
Saturday - Ninoni

H U N   G E N N A

  1. Zankim
  2. Akmasa-khuan
  3. Aktak-khuan
  4. Phalvak
  5. Khua le lei kihel
  6. Khuavak
  7. Ni suah
  8. Vaiham-san
  9. Sun kim
10. Ni kai
11.  Anhuan-hun
12.  Vaiciah-hun
13.  Ni tum
14.  Khua-mui
15. Sanggam-melmak
16.  Khua mial
17.  Vumkhawl
18.  lup-hun
19.  Ihsip
20.  Zankim

Read More

Zomi Namni piankhiatzia

Zomi Nam Ni hong pian khiatna tangthu~ Prof C.Thang Za Tuan Ph.D

                               

                                                                                      Thu pulaak:Prof.C.Thang Za Tuan Ph.D

       Thulu:ZOMI NAM NI PIANNA LEH NGAIHSUT HUAI THUPITE

      LST:1 Peter 2:9-10"Note pen Pasian in ama nasep na lamdangte a genkhia dingin  hongteel minam leh Ama hehpihna a ngah na hi uh hi."

     LST:Johan 8:31"Tua ciangin thumaan na thei ding uh aa,tua thumaan in note hong suakta sak ding hi."


A.I Zomi Nam Ni a Thupitna leh Kumsim a ih Bawlna ahang.

.Zomi Nam Ni cih i om na ciatah a gamgam ah Zomite in kibawl hi.Banghang:Minam thupi khat ih hihna kepna leh ki latsakna hi.Zomi buppi suahtak ni,Zogam ki-ukn a ki kheelna leh Zomi bupp in Democracy tawh ki-ukna  i kalsuan na ciaptehna ni hi.

Kawlgam sungah Zogam leh Zominam cih pen ki langhtak in om hi cih thu a kip semsem na dingin,kumsim
kumsim in pholakkhia in pahtawina zong ahi hi.

.Banghang in Zomi Nam Ni ci-in tangko khia in pahtawi ihhiam cih leh Zominam i cih Kawlgam tangthu ah a
minthang a hihna,Zominamte in gam leh leitang a neihna,Zoinamgte ii Zongeina,Zolai,Zopau,Zola,Zodan....cih a tuam vilvel a neite ih hih hang ahi hi.

.Hih thubulpite zui-in ZOMI NAM NI pen abawl huai,a bawltak Zomi Bup i Ni Thupi Ni a hi hi.

.Pasian hoihna leh hong huaina a lamdangte a genkhia dingin hong sawlte zongh i hi hi.

B.Zomi Nam Ni a pianna Thu a tom in pulakkikna.

.Hih bang a alamdang,a manpha Zomi nam ni pen pian ngeina bang a a piang ziau hilo hi.Zominam buppi-in kum tampi sung nuntakna neih leh lam suskkhia piakhia in a hanciam na uh tawh apiangkhian ni Thupi ni hi.

.Zomite nidang pek a kipan in ei Tulpi,Hausa leh makai ciat in hong makaih in ki-uk.Thawmte khang hun,
Gute khang hun om kici in,Sukte khang hun i heician hi.A nunung Sukte hun 1810 kim a kipan inUkpipa ci-in hong uk in 1948 kum dong hi.

.1886 July 1 in Kawlte teen na gam bup Mikangte in hong uk in ei Thahdo,Zomi minam khat kim lai Kuki leh
Chin in i vengte hong lawhna tawh honglo uh hi.Zogam zong 1889 kum in Tedim hongla in 1896 August 13 ni akipan in Chin Hills Regulatin Acts tawh hong uk zawh pan Zogam pen Kawlgam uk ding in hongk kiguang
kha mikmek hi.Tuamain ei kuama ukna sungah om khalo hihang.Zogam uk dingin Ukpite ukna(Feudal Chief)
hong guan beh in,amau sehte in khua hausa seem inSiahsung,siahphei,sa liang,tang seu,tuktha,khaltha,kaisak suak uh hi.Hausate dung ah Ukpi,tua tungah Vuandok,Mangpi leh Menzi koih uh hi.

.1948 January 4 ni-in Kawlgamah suahtakna a ki ngah ciangin 1947 constitution zang in parliamentary Democracy tawh gam ukna kipan hi.Tua constitution khenpi 5,aneu 196,197,198 ah Zogam zongh Chin Affair Council tawh ki-uk dingin Frontier Areas Enquiry Commission(U Vomthu Maung,Chin Minister,U Thein Maung,Menzi leh U Soe Win,Education officer)te in February 3  1948 panin Tedim,Falam,Khalkha ah
thu hongdot banah mipi (5000)val in Falam khuapi ah19-21.2.1948 ni-in kikhopna ah Democracy tawh a kiteel Councilte ukna dan zangin Zogam ukpi ukna laih ding kithukim uh hi.

.Tua bangin a kilaih pah lian na dingin,tualai in Politics a makaipi in thusaupi muhkholhna(Vision)a nei Pu Vum
Thu Maung(Thang Pet Maung),Mindat leh Pu Mang Tung Nung leh Pu Thang Khaw Kai te(KSVP)madawk
in a makaihna uh hang hi.

.Tua mipi kikhopna ah Zogam leh Zomite in Feudal ki ukna nelhsiah in Kawlgam bup ki ukna Parliamentarey  paizia tawh ki-ukna dingin Subedar Thang Za Kai(Tuithang)in thu sungin Pa Hang Bung Thang(Kanpalet)
leh Pa Con Mang(Laizo)in lungkimpihna tawh mipi thukimna kila hi.Mi 17 bek in nial a hih man in, kikipsak
na hangin Zogam ki-ukna kikheel ahi hi.Hih Falam ah mipi kikhopna ah Kawlgam President masa pen  Sao-
Shwe Taik zonghin hong uap hi.Ukpite a suplohna dingin, kumpi-i compensation apiak ding zong ki viahawm
pih in Ks.500,000 ngah uh hi.

.1950 kum October 9 ni-in Chin Affairs Council in tua February 20 nipen Zomi Nam Ni(Chin National Day)
ci-in,kumsim in bawl dingin khensat hi
.Tua Zomi Nam Ni pen kawlgamah suahtakna leh ki ukna thak tawh ki zawi tawn a ki-ukna dan kikheel ni hi-in ukpite gual lelhna hituan zenzenlo hi.Nautaang te a dingin ahih leh saliang tangseu,siahtung siah phei piak beina hi-in hamphatna leh suahtaak tatakna,Hakkol zan Ni hi.Kawlgam bup mah bangin,Democracy tawh ki
ukna dan in a kilahna Ni hi.Khang ki lamdan Ni hi.A lakdann,muhdan leh san dan i siam ciat ding tudong mah inikisam thei hi.Mikim in lawptak in kipahhuai Ni leh a san siam ding hi.

.Kuamah ii gualzawn Ni,guallelh ni hi zenzen lo in ukna paizai kawlgam bup ah akikheel  na hang hi cih theih mahmah ding hi.

C.Zomi Nam Ni bawl ziate.

1951 February 20 ni-in Mindat khuapi ah ei Zo Vuanyi(Chin Minister)masa belU Vomthu Maung makai in amasa bel Zo Minam Ni(Chin National Day)kibawlna ah Priminister U Nuh leh adang state minister te kihel hi.President Soa Shwe Taik  ii Good-Will Message(Deihsak Thupuak-Thuwanlua)
zong Prime minister pa tektek in sim khia hi.

Tua a kipan in Zomite in kumsim in Zogam khuapite ah leh Zomite om nana ah nasia tak in
Zo Minam Ni(Chin National Day)kibawl den hi.1956 kum in Chin Minister hangin December kha in
a ni laih nuam in khatvei om in University Chin Student Union in lungkimlohna lahna hangin kikheel
lo hi.Gaalkap kumpi in hong uk zawh 1966 kum February 1hun in Chin Special Division Day in laih
nopnate Chin Supreme Council ii January 9,1967 ni-in thukhensatna 29/04(2) tawh kilak kik zo hi.SLORC leh SPDC Galkap kumpi hun in phallohna akipan in haksatna a tuamtuam a om hangin,
min tuamtuam tawh Yangon bangah zong Universitiest Siamsinte makaihna mah tawh ki tam bawl pen hi.

1998 kum pan Universitiest ki khaak sung teng Kumpi Nasemte makai-in Yangon khuapi ah Zo Minam Ni kum 50 cin Golden Jubilee Zo Minam Ni nasiatak in akibawlna ah Zomite sungpan a Zahtak huai a pahtawhi huai,kumpi nasemte,Galkapte,Civilliante,Zomi leh Zogam a tawisang te(Honor to whom honor is due)mi 911 pahtawina laipi(Certificate of hounor)kipia khia hi.A kumkik in Golden Jubilee Commemorative Magazine zong bawlin pahtawina apiakkhiat mi thupite min zong
ki suaksak hi.Tua Celebretion Committee mah in Chin history Compilation Committee phuan in 2002 kum in Zomite Tangthu atom in Sutna leh Ngeina Hoihte Pulaakna Laibu(A Concise Study of the Chins,Their History,Culture and Traditions)zong kumpi phalna tawh gelh in a hawmkhia uh hi.

1991 a kipan in Zominam Ni bawlna ah Lai a sang tawh a zo te pahtawina,Khantohna lahna in Ngeina lam lahna banah Zominamte Puansilh hoihnono Modelgirl te lahna(Fashion Show item)zong guan beh uh hi.

Kum 2000 khit cianginZomite omna kawlgam,Vaigam leh gamdang mun tuamtuam Zomite tuntun na ah Malaysia,USA,Austrilia cih bangah Zo Minam Ni nasiatak in kibawl hi.2010 khit nungsang in leitung gam tuamtuam ah akibawlnate Youtube pan kilak kawikawi ta hi.

Kawlgamah kum 2012 akipan in suakta takin Zo Minam Ni pen nuamtak leh Thupitak in kibawl theita hi.

2013 kum in Hakhakhuapi  ah nasiatak in kibawl hi.Tu 2014 kum in Mindat khuapi ah ki bawl kik ding hi.

D.Mailam ah Zomi nam Ni Bawlding dan leh dinmun etkikpakna pan mailam a ding sephuai thupulakna pawlkhat

Zomi Nam Ni in minamkhat ih hihna hong kipsak hi.Mizogam a ih sanggmte in zong Mizo State ni-in February 20 ni a na telsese uh manun ih Minam Ni thupisak tuam hi.Zomi suan teng minam khat ih hih mah bangin,koi gam koi gam tungta le hang i minam ni zat bawl ciat ding hi.

Zomi Nam Ni in Zomite lunggulh teng a tangtun theihna ding hanciam ding hi.Thukikup ni ding hi.
Mi khansuah ih hihzawhna dingin,ki pantah leh ki huh diamdiam ding hi.

Zomi Nam Ni in Zomite' sungah a mdawkte ahi,gam vaante,a nuntakna a bei lawhte,Zomi madawksak leh a kilangsakte,apil a siamte,etteh tak nasepte pahtawi ding hi.

Zomi Nam Ni in Zomite ngeina kepna,Khantohna lahnate leh Zomi tawh kisai lahkhiat huaite lahna in zat ding hi.

E.Thukupna

Hih a tungah I pualaak mah bangin Zominam Ni a piankhiatna,a thupitna leh i kep siamna dingin mipi lungsim neihna,pilvan na,ki pumkhatna leh ki thutuahna te I neih ding ih hanthawn nop banah
Pu Captain Mang Tung Nung in(7)veina Zomi Nam Ni  1957 kum in Tedim ah hong viakhahna pulak
kikna tawh thu kong khum nuam hi.

"Zomi Nam Ni in Zomi khempeuh,Zomi lungsim a nei khempeuh,Zominam om hi cih ciamteh in a zahtak khempeuh in,akip a khona dingin,thupitak in hanciam ciat ding cih upkhialhna,lunghiang na om huaihetlo thu hi.

Hi bangdan in Minam ni bawlna in Zomite in Zomite a zahtakna, amuan na bek zong hilo hi.Zomite in minam dangte a lahkhiatna mah tawh a ki bang ahi hi.Minamkim ki lem ki thutuak ki pumkhatna
zong  kiptak a lamlahna ding bulphuhna zong ahi hi.

Eite minam ni pen eite mah in zahtaklo hilehang minamdangte a zahtak hihang cih zong kici thei tuanlo hi.Minam kim kithukhat kiluangtuakna cin zong a om thei tuan ding ahi kei hi.

Tua hangin minamkimte ki thukhat ih ki lungtuak theihna ding a deih khempeuh in amaute i" Minam ni" ciat zong  a bawl ding uh ahi hi.Minam dangte zong a mau minam ciat tawh kisai Ni thupite zong manphatak in a bawlna ding un hanthotn pen thupi kasa hi.

Zomite in Zomi nam ni thupitak in i bawl man in gambuppi(Pyidawngsuh)a suk khak a nawngkaisak ding dan khat ina a gen,a um mite pen upkhialhna,genkhialhna taktak ahi hi.

Zogamah gam le minam vai(Politic)muhzia a ki lamdang phial zongin,Zominam tawh kisai in Zomite in ki lungtuaktak in kalsuan ding hi cih ken ka um hi.

Hunthak ah ngein thak khat ih phuh ciangin,ngeina lui tawh phattuam na angah mipawlkhat in lung-
kim ngeilo in tua ngeina lui pen  hong thun kik zawhna ding lampi tuamtuam tawh hong hanciam ding cih pen a ki tel mahmah ahi hi.Tua pen eiten ih theihsa a hi hi.

Zomite ii kithutuahna,khantohna,minamkim(Tiayinta)te ki-it ki lemna,Gambuppi(Pyidawngsu)akipna Democracy ngeina hong kizelhna cih thute aadingin,Zomite aa dingin,a thupi pen a manpha pen a hi hi."
                                                                                          Captain Mang Tung Nung(1957)

Tuni a hih thu i gen na TBCY khangnote Motto ahi:Note pen Pasian in ama nasep a lamdangte a genkhia ding hong tel minam leh Ama hehpihna a ngahna hi uh hi."Hih thu in no bek hilo Zomi khangno khempeuh i minam kemsiam,zuun siam ding Pasian in tavuan hong pia ahih gige  hi cih phawk in, sangi n,sem ciat ni.

Tukum Zo Minam Ni a kipan in Zo minam leh Zo tangthu a kipden na dingin,Zomite kipumkhatna ding,thumuh siamna ding leh thupha ih san theihna dingin i biak Topa Pasian ih vekpi in khua muhna leh khuaphawk hanciam na thak hong pia kim in,Zogam Zolei Zo minam khempeuh,a mimal ih hong huaisiamzuunsiam zo sak ciat ta hen.

John 8:31"Tua ciangin thumaan na thei ding uh a,tua thuman in note hong suaktasak ding hi."

Zominam ni pen kumsim ih hoihtak in hanciamna tawh thahat tak in minambup in kihelna tawh pelhlo in ih bawlna ding in ih hanthotn beh na tawh thu ka hial bawl hi.

Zomi Nam Ni Kikho den tahen!

Thupulaak khia:C.Thang Za TuanM.A:Ph.D
Makaipi,Tedim kipawlna
Yangon

Main Sources:
(1)Khen Za Moong(2005):Chin national Day,Background History,Survival Effort,Indisputable Facts(Private Circulation)

(2)C.Thang Za Tuan:2013 kum Zo Minam Ni February 17,2013 ni-in TBCY,Yangon ah thugenna

(3)Pu Cin Sian Thang,J.Thang Lian Pau,Rev.Dr.Khen Za Sian,Pa Dr.C.Thang Za Tuan,Tg.Vungh Za
Pau,Captain mang Tung Nung te'n"ZOMI NAM NI" a thugen na uh,
(Amun:Tedim Baptist Church,Yangon.February 16,2014)
KUM (66) CIN ZOMI NAM NI BAWL THU PULAKNA

Read More

Uleh Nau hongsutuah khialthei pawlkhat.

Azenzen in na It mahmah nalawm ngaih nu na Lawmngaih pa tawh koici bang in naki zomhiam?
Na It nangaih khattung ah Itna leh ngaihna genkhia pia khinsa hinapi
Bang in hongkhen khammawk hiam.
Khanglui ten zawlthu kal ah Sialthawl naci uh hi.
Ki Itna ki ngaihna sung ah thu neu thulian khat pepeuh in hong subuai thei in hong khenkham theimawk hi.
Hihthu limtak in ngaihsut huai veve kasa hi Cihtak na koi ah om mawk hiam?
Hong ngai ingcih kammal leh lungsim ngaihsutna pia khinna pi hang in cihtak lohna ih ci diam nuntak khuasak ziate ih etkak khakciang in ih It ih ngaih takpi naleng zong kitai san ngam in ki nusia ngammawk hi.
Hih in nuntakna ding mailam kalsuan na ei nopsak ding bek ngaihsut man in hong it hong ngai takpi khat zong muan ngamlohna leh lawmbawl lohna dong hong tunthei hi.
Khuakhat tuikhat hikei phial lehang zong ih Itna ih piaksa khat tung ah
Itna kammal te leh muanna kammal te ki gengen khin hina pihang in hih itna kammal te muanna kammal te nusia in gualdang ang ihzuat santak ciang in nakam mal nanut siatna na itna nanut siatna tetung ah bangci bang in thuakna leh haksat na tungding cihna thei kha kei a zong na ngaihsun kei ding hi.
A hi zong in hih kammal mangthang lo hi kemcing hi phawktawn tungding hi tua in na belh leh na muanpen mi tung ah lungsim natna leh khasiat na khat pepeuh nei theihi namuanpen mi zong a citak mah a hi diam?
Nang tawh ki it ki ngaihpih na neihkhit nung in nang hong ngai in kei tawh ki teng leng na ut na sepnop leh nalung gulhna bang in hong gamtasak nuam ing hong ci mai thei ding hi zong muanhuai in up huai maithei ding hi nei a hih man leh muantaak a hih man in nalungsim napia tamai thei ding hi.
Mici tak in zong na mumai thei ding hi.
Mici takleh lungsim siangtho lungsim hoih a hitak pi hiam.
Nangleh nang in na theih na ding hanciam in a zenzen in mici tak mithu man khat in Na it na ngaih khat suankhia nuam in nang hong zolbawl ding in na um hiam?
Mithu man a hih leh na it na ngaih khat tawh bang hang in hong khenkham thei ding hiam?
Gentehna in nang a mah mu ngeilo a man zong nang hong thei ngeilo a hi phial zong in it leh ngaih khat aa ki om khawm theihna ding in bang ciciang hi ding hiam lawm ngaihna nei khin hiam? Cih bang dan in dotna om aa tua tungtawn in natai san Nu maw na taisan Pa leh nang kua khial zaw man zaw cih bel ei leh ei ki theih sa hi.
A hi zong in nuntakzia te leh dinmun te tung ah ki theih pih sasa khat in hibang thu hong gen sak ciang in ih muang kha hiam bang hang in a matham in hong genlo aa it leh ngaih khat neih khitnung ah hong gen in hong khenkham ngammawk hiam?
Ngaihsut huai mahmah hi.

Read More

Itna Ciilzat sawm ken

Itna pen selkhia in meng zihziah
hi.
Itna pen ngumngikngek denin,
nosuah sieuhseuh tawntung
hi.Mithat denkei mikhat inzong itna
nei veve hi.Mite it mahmah vankhat
peuhpeuh agu, guta khat inzong itna
mah nanei hi.Itna nungah
nakhempeuh om hi.Itna in lauhuaina
teng khempeuh nawkpuk hi
Itna hang in thakhauh na kingah hi.
Itna kiam thei a, ahi zong in kaan'g/bei theilo hi.Itna hang in gualzawhna ki
ngah hi.Itna pan in lungnopna tam
pitak ki ngah khia hi.Itna om keileh leitung ah, mihing tawm mahmah ding hi.Itna hang in lungduai na ki ngah hi.Itna pen phungpha
tektekleh, kip tektak kho tektek in tangzai tektek hi.Itna a zekkhia ziahzaih te in gal neilo uh hi.Itna masuan a, a kalsuan mi lamzang tawntung hi.Itna a cilzat te leitung ah, mi hamsia penpen te ahi uhhi.
Lungso na avotsak zatui hoih pen in itna ahi hi.Lungsim hoih ngahkhiat na bulpi in itna pan ahi hi.Gah lakpan itna gah limci penpen leh khum penpen hi.Ki lemna hong kipatkhiat na, asul zui kikkik le'ng, a mong ah itna mah,na om hi.Leitung pan vantung ah, i ciahpih thei vankhat bek om a, itna mah ahi hi.
Numei leh Pasal in Itna nau Paai ciat ahih manin leitung ah mi pung tektek ahi hi.Na neih na itna, cilbawl hawmthawh bawl kei-in itna ka'ng cihbang om ngeilo hi Zekkhia
ziahzaih, gang tektek na hizaw lai hi.

Read More

Lam et na bek in hong lungkham sakthei zaw.

Keizong lawm ngaih neingei khat ka hihi.
Hun khatlai in Numei melhoih khat ka mu ngei hi tua nu bekbek ka ngaihsut nasung ah om tawntung in kalungtang sungah tengden hi
Ngaihding in ka khensat aa ka hopihpih zel hi.
Kalungsim sungah ka ngai khin mahmah ta a ahi zong in a makiang ah kagen ngam ngeikei hi bang hang aa gen ngamlo kahiam cihleh a mah mihoih mithupi khat a hihi.
Adin mun ka muhsak ciang in kei tawh ki ngaiding in ki tuaklo lua hi.
Banghang hiamcih leh Keisang inpil zaw in nei zaw hi Ka It ka ngaihna gending ka cih samhang in a ki kholhpih te ka en leuleu aa mi mawkmawk tawh ki khawllo in pilna neimi leh nuntak na nuamsa mite tawh ki khawl hi kei dinmun ka et ciangin keipen a khegei vua ninneng kiate a tawmkhia ding bek in zong ka ki lawm naikei hi
A hi zong in ka ngaihna kiam thei mahmah tuan lohi
Ka It ka ngaihna a matung ah gen ngam hetkei mahta leng lam etna khat nei veve ka hih man in ka hopih na tungtawn in zong hem theih veve ding cih lam en kawmkawm in ka om hi
Hih in hong lungleng sak in hong lung gimsak den hi.
Lam etna upna bek tawh bangmah piangtuan lo in sepkhiat na neihkhiat na om lohna pilna siamna neihloh na hang in ka It pen ka ngaihpen te tungdong ah ka It mahmahna kam ka ngaih mahmahna kam azak ding aa kagen khakloh mahna kasa penpen hi.
Aw hih leitung ah mi nuamsa te in bangsem hiam mipil te in bang sin in bangsim hiam ci in kha kunliang in lungsim beidong in thu ka ngaihsun theizel aa hanciam na hang in sepzawhna sepzawhna hang in lawhcin na hong tungthei panding cih ka phawk zelzel hi.
Hanciam man bek in ki tangtung tuanlo in kuhkal lungduai cihtak na bek in mualhong khuppih ding cih zong ka phawkphawk kik hi.

Read More

Nazi koici pahtawi ding

Na Zi, Na Naakguh......
(Numei pasal a huamkim thugenna)

1. Na Zi pen awkhauh leh awtong tawh hopih ken, a lungsim na mahmah sim khinkhian thei hi. (Proverbs 15:1)

2. Mi dangte lakah na ko a na gensiat leh, na gensiat bangin na Zi hong om thei takpi kha hi cih phawk gige in. (Gen. 2:19)

3. Na Zi na Itna leh na Ngaihna pen midang pia sawn kei in. Tua pen Angkawm kici a, mawhna lianpi ahihi. (Matt. 5:28)

4. Na Zi leh midangte tehkak kha ngei ken. Midangte sangin na zi hoihzaw pek hi. Tua ahihmanin Pasian in nang hong pia ahihi.
(2 Cor. 10:12)

5. Nupa pen pumkhat ahihmanin nang pumpi pen na Zi aa hi a, ama pumpi zong nang aa ahihi. Tua ahihmanin a kisam bangin zangh khawm unla, kikut bawl liang a kul lo dingin kitheihsiamna nei tuak un
.   (1 Cor. 7:5)

6. Na zi in nang hong ngaih manin na khempeuh nusia in hong bel ahihlam thei inla ama tungah vakhu bangin na nunnem sak in. Awtol tawh na hopih a na haitat gangam ciangin na Zi lungtang pen dawt let zah in na hi cih mangngilh kei in. (Eph. 4:2)

7. Na Zi tungah thu seelsim bangmah nei kei in. Pumkhat hi ta na hihmanun no nupa kikaal ah thusim a om loh ding uh thupi hi.
(Gen. 2:25)

8. Na Zi pumpi in na mit hong laak nawn loh, a hoihna paak bang hong vul kuan ciangin gensia in hawm thawh kha ken. A hoihna leh a paallaini khempeuh pia khia in na tangek teng hong paai sak hi. Amah pen pumpi bek hi lo kha a nei mihing ahihlam thei gige in.

9. Na Zi pen a melhoihna leh a pumpi iplah huaina tawh ama manphatna teh kha kei in. It takin pom inla, a teek ciangin zong ama tungah lungkim sawm in.
(Eph. 5:29)

10. Mite maiah na Zi pen Awkhauh tawh tawngin taai kha kei in. Thu khat peuh a om leh tuam sap inla, inndei sung kuamah hong muh lohna ding munah thuhilh zaw in.
(Matt. 1:19)

11. Nang leh na ta teng limtakin Itna tawh hong kep hong khoi ahihmanin nuam inla lungdam ko in. Hiteng a sepna hangin haksatna tampi tak thuak lawh hi.
(1 The 5:18)

12. Numei khempeuh a anhuan a mehhuan dan uh kibang kim lo hi. Nisim thumvei anlehmeh ong huan sak den hi. Kum khat sungah ni 365 om hi. Pumkhat na suah zawh uh kum bangzah hi ta hiam? Na Zi in an ong huan sak manin nuam inla lungdam ko zel in.
(Pro. 31:14)

13. Na tate pen na Zi sangin masak zaw kha ngei kei in. Nang leh na Zi pen pumphat na hihmah bangun na tate khempeuh sangin na thupisim zawk ding ahihi.
(Gen. 2:24)

14. Na Zi tawh hunnuam zangh khawm unla, Laisiangtho sim in thungen khawm tangtang un.
(James 5:16)

15. Na Zi tawh kimawl in kino zelzel unla, hunte nuam takin zangh khawm un. Na sih ciangin na luang a tutpih ding na Zi hi a, midangte amau nasep tek tawh buai ding ahihmanun hong gaal man lo kha lai thei uh hi. .
(Ecc. 9:9)

16. Sum tawh na Zi mai et in lungkim sak sawm kei in. Na neih khempeuh hong neihpih pen na Zi ahihi. Pasian ciaptehna ah nang si lecin na gamh a luah ding pen na
Zi ahihi. (1 Pet. 3:7)

17. Midangte lakah na Zi kicinlahna pholaak kei in. Nang leh nang a kipholaak na hizaw hi.
(Eph. 5:30)

18. Na Zi nulehpa zahtaak sak inla, a sanggamte zong it sak in.
(SOS 8:2)

19. Hong ngai lua ingh, hong it lua ingh cici lel in. Numeite in Itna Ngaihna thu zaakcim ngei lo uh hi.
(Eph. 5:25)

20. Pasian deih bangin gamta in nungta un, tua pen Zihoih Pasal hoih suah theihna lampi ahihi. (Rom. 8:29) AMEN 👆

Read More