Hoih kong sak na

                                        Hihzah liangding kasak loh


-Hihzah liangding kasak het lo namel ka muhni pan nangbek mah kalungsim
sung ah a omden a et lawm leh a it huai mahmah melhoih nu aw...
  Nasak mel et lawm in na omzia mel leh duang in kasin lai hongkuai lua ee..

-A-Bangteng selung gel ka hiam aw,
Zan khua sawt e leidim the khuang e.

-B-Guh-al khuang naubang ki khim ing,
Taikhua val zong tho lang ee Ngaih aw.

-Nang tawh kam khat zong ki ho ki khawl kha lo ka hih zenzen hang in 
Namel hong muh limlim zong kei aa ding in gu mah bang sang ee,
Bang hang hiam cih leh kei aa ding in na et lawm na kamtawh genzawh lo
Mel hoih Zolia na hi aa Kalungsim tawng ah a beithei lo na sakmel et lawm
Ngilh mawh ding hi ta ee lai ah na saveng,

-A-Kalung tung ah hong kilel na 
Gamkhau bang kim ah zam ee,

-B-Gamgui khau bang khua kim ah zam,
Dawh kung tuibang let e sen ngaih aw.

-Hoih kong sak mahmah hang lah nang tawh ki khawl ka lo nang tawh ki ho kha lo aa ka om cing ka zaitha patbang nem e.

-A-Na duang lentang ngek hi cia,
Keisan loh a gual san ding aw e.

-B-Keisan loh a gual san ding aw,
Gammang sing bang kawi loh ding aw ee.

-Nang tawh holung kum khawm nuamden ing a hi zong i hei na ki khat lo
Kei zuan aw lai ah na mah ee,

-A-Ka zalmang in sing vangkhua ah,
Khat tang vabang leng ing e Ngaih aw.

-B-Khat tang vabang leng ing e Ngaih aw
Nang kongsial na'n ka duang lai nem e.

-A-Ka zalmang in silh puanno tawh,
Sen Ngaih nang tongdam ken sang veng e,

-B-Khang thei lo ing naubang kah lawng,
Leh lam sawlbang nong ban nasang e,

-Leitung ah mipil misiam tampi om mah leh 
Nang bang kei aa ding a dang om zo kei a hi zong 
Napil man hong it hong ngai hi keng na hauh man hong it hong ngai hi keng,
Kasung aa ka lungtang ka lungsim deih napan hong ngai hi ing,

-Natong dam zaza nuam veng cikciang dawn bang tuah in tong i kum thei diam aw cici ing.

-A-Sinlai hong phawng duangzen Ngaih no aw,
Na tongdam sang cim lang e Ngaih aw.

-B-Na tongdam sang cim lang e Ngaih aw,
Gual duang na bang ken aw Ngaih aw.

Read More

ZO GAMAH CHRISTIAN BIAKNA HONG TUN DAN

ZO GAMAH CHRISTIAN BIAKNA HONG TUN DAN

       Khristian biakna England gamah AD 597 kumin St. Augustine in Khristian biakna tun pan hi. Tua ma-in Zomite mah bangin English ten zong sing bul suang bul, dawi namkim mah bia uh hi. Laimal zong nei lo-in thu pen la vive mah tawh ciamteh uh hi. Venarable Bede (AD 672-735) in Latin laimalte tawh English laimal bawlsak hi. England Kumpipa Alfred the Great (AD 849-900) in lai lam nakpi takin tha pia-in, Hebrew, Greek leh Roman lai tei theih tei mawh teng English-in teisak khin hi. John Wycliffe (AD 1324-1400) in Latin pan English-in Pasian’ thu bu(Lai Siangtho) teikhia hi. Kumpinu Victoria (AD 1819-1901) hun panin English te’n ni tum lo leimong dong gam tampi uk hi. Hih hangin, singlamteh in Coloniel flag nung zui-in leitungah Khristian biakna leh English pau leh lai hong kizeelin tudong biakna leh pau taangzai pen leh minthang pen suak hi. Zogam hong tung mikang missionary-te Zogamah zong Mikang galkapte nungzui-in coloniel flag mah tawh Khristian biakna hong tonkhawm ahi hi. Zogamah mikang missionary mi sagih (7) hong pai uh a, 1899 kum a kipan 1966 kum dong hong khoi uh hi. Hong tung masa pen Rev. A.E. Carsonte nupa hi a, 1899, March 15 ni-in hong tungin, 1908 kumin gilpeng natna tawh Carson si-in, Halkha khua-ah kivui hi. A zi ciah tuan lo-in 1922 kum dong hong om hi. Carson in cidamna lam kisam sa-in, a ngetna hang tawh Dr. E.H. East, M.D. pen 1902 kumin hong tung hi. A mah pen mi piangthak mahmah khat hi a, “Mi kuama pai nop lohna penpen munah hong sawl un,” a cihna tawh kituakin Zogam hong kipuak hi. Zogam dung leh vai-ah khualzin kawikawi-in, ha na leh gawl/tawl bawk at hi. Zomite in lamdang sa lua uh ahih manin Dawi tawh kipawl hi in teh, ci-in ngai zawsop uh hi. Dr. East 1908 kumin ciah hi.

Read More

TANGTHU

TANGTHU

Thu masa:
          Minam khempeuh in Tangthu a neih ciat mah bangun, Zomi te’n zong tangthu tampi mah na nei hi. Tua hi a hih ih zo Tangthute I manthan sak khak ding dahna tawh hoih taka kep theih dingin hih laibu sungah a ki khum ahi hi.
Tangthu i cih mah bangin a khang akhangin a ki pia sawnsawn ahi a, tua ahih manin ih gen dan, I sut dan zong a ki bang lo tampi om kha thei mah ding ahi hi. Tua hi-in hihpa’ genna maan pen ding hi cih zong ki gen theilo hi. Bang hanghiam cih leh unau khat nangawn ih zakna a kibang ciatciat I gen kik dan a kibang lo tampi om thei ahih manin gen dan a tuamtuam a om thei mah ding hi, ci a ih pom theih ding thupi ding hi.

1. THANG HO LEH LIAN DO TE’ TANGTHU

Read More

MI MINTHANGTE’ THU

MI MINTHANGTE’ THU

1. Mi thahat, mi tha gol, Pu Eng Seep’ thu:

            Phaitu khua, Pu Lang Let tapa Pu Eng Seep suah kum pen 1820 pawl hih tuak hi. Pu Eng Seep ta Let Neng, Let Neng ta khup Cin Thang, khup Cin Thang ta Seep Kap Thang ahi hi. Seep Kap Thang in 29.7.1996 ( thudot ni) ni-in zi nei nai lo a, 1973 kumin a suak hi.
            Pu Eng Seep tupa Pa Khup Cin Thang pen a pu mah sun laiin Phaitu khua-ah migol pen ahi hi. Pu Eng Seep pen gol mahmah ci uh hi. Tua hunin tehnate kithei nailo ahih manin a tun sana kigen theilo hi. A lutang pen leibelsuan cia pha ci uh a, a ngawng pen (a khep loh) pasal tukguk pha hi. A lutang leh a ngawng golzia tawh kituakin a tun sanna pen feet kua kim pha leh kilawm hi. Tonzang khuakhung Zopigam gal, Boltu gamah lokho-in, a lo hung zel hi. Vom tam mahmah a, vom a thah ciangin temta tawh dawt lup, teipi tawh sut lup ahih kei leh, guataak mahmah a langtuak hiam zumin, vom a kamkat laitak a kam sungah khumin kam kicihsak nawn lo dinga kingkalhsak cih bangin man se hi. Thau zang ngei lo hi. Khatvei vompi a mat leh a vompi in a khe pehsak a, a dam teh ama pawnsia gawp ahih manin a pawnsia kawmah namsia teeng zo hel ci hi. Vom a matsialin gol leh neu leh a gil khuah lohin a innah pumpuak ziauziau hi. A sih hun a kitheih nawn loh hangin, khangham khin mahin si hi.

           ( Hih Pu Eng Seep tangthu pen keimah T. Suan Khan Mang in phaitu a, a khangham pen Rev. Thang Khaw Cin (kum85 a pha) kiangah 29.7.96, Monday, zingsang nai 7.00 AM a ka dot ahi hi. Hong zakpih pen Pu Sing Cin Thang, B.A. Dip.Ed. ATEO, Tedim ahi hi.)

Read More

PIANCIT PAINA THU

PIANCIT PAINA THU
(1917-1918)

          Leitung galpi khatna 1914 Kumin piang a, tua gal kidona-ah Englandte tampi si-in Kham dangka Pound 900 Million val bei hi. England leh Franch kipawlin, Franch gamah a kisim laitakun Englandte in amau’ huhna gam tengah huhna mah ngen kawikawi uh hi. Tua hunin Ih Kawl gam England Kumpi in hong uk khin a hih manin, Kawl gamah zong huhna hong ngen kik uh hi. Sukte gam, Kamhau’ gam, Sihzaang’ gam tengah huhna ngen dingin Mawlaik panin Deputy Commissioner D.D.F.O.Lowler 1917 January nipi masa sungin Tedim hong tung hi. Hih Ukpi 3 sung tengah ki kaikhawmin, gal huh ding gen hi. Amasa-in Ukpite in nanial uh hi. A hi zongin F.O Lowler in, 1891 June 23, ni a Thangpi a kibawl, kiciamna bulphuhin huhna hong nget ciangin, Ukpite in nanial ngam nawnlo uh hi. Hau Cinkhup makai-in Ukpite in amau’ uk sung ciatah mi kaihkhop sakin, Sukte gam panin mi 250, Kamhau’ gam panin, mi 700, Sihzaang gam panin, mi 83, a gawm mi 1033 ngah sak uh hi. A kingen zah sangin a tam zaw ngah sak uh hi.

Read More

PUM ZA MAANG’ KHAN LAI THU

S PUM ZA MAANG’ KHAN LAI THU S
(Tonzaang innpipa)

       Pum Zamaang 1894 kumin suak a, 1934 kumin a pa hau Cinkhup’ za laihin Kamhau’ gam ukpi na hong sem hi. Tedimah Kawllai tan 4 ong hi. Pilna siamna vai hawmna-ah ama khan’-in lai tawh na sem thei ta hi. A masa-in Mualnuam Khua hausa Thawnglian’ tanu tawh hong kiteng masa uh hi. A sawt lo-in a zi a sih ciangin, sau veipi sung meigongin om hi. A sawtna ciangin Mal gam a hausapa’ tanu Ciin Khawman tawh 1934 kumin kiteng uh a, tapasal 5 leh numei 3 nei hi. A tate in:-
1.Khup Khenthang, 2. Sian Lianpau, 3. Khup Dodal, 4. Pau Kapthang, 5.Kham Zadalte a hi hi.
Apa’ dam loh ciangin ama ngetna leh England kumpi’ phalna om bangin, 1934 September 5, ni-in apa’ Ukpi za ama tungah ki ap hi. England Kumpi in Ukpi za apiakna a nuai a bang a hi hi.

Read More

HAU CIN KHUP’ KHAN LAI THU

S HAU CIN KHUP’ KHAN LAI THU S
(Tonzaang Innpipa)

        Kumpite in Tonzaang a sim zawh uh a ni 3 ni ciangin Ukpi teng leh upa teng khawm a, “Kamhau’ gam a vai hawm lian pen kua a hiam,” ci-in a dot ciangin a u anaute in, “Hau Cinkhup hi,” ci-in dawng uh hi. Mi khempeuh in Hau Cinkhup hi a cih hangun Kumpite in umlo uh hi. Bang hang hiam cih leh amah pen mi genthei khat hi a, nik leh puan gina a neih loh banah, a ci a sa keu-in, nasem mi khat a hih manin hausa pi dingin umlo uh hi. A hi zongin a dot khempeuh in Hau Cinkhup mah ding hi, ci uh a hih manin, 1891 Febuary 23 ni-in Kumpite in Hau Cinkhup mat bawl uh hi. (Bang hang hiam cih leh Kumpite in amat ding alau manun a thuak hangin phamawh kei cihna tawh a sia lam sang ciangin Hau Cinkhup a ngawh uh a hi hi. Hamphatna khat hi leh Hau Cinkhup hi ci-in gen lo ding uh hi.) Tua ciangin Kumpite in Hau Cinkhup Yangon lamah paipih suk dingin ki thawi uh a, Amah zong a nungta a khua lam tung kik dingin ki lamen nawnlo a hih manin, a it mahmah a nu leh anau numei 2 geel hih bangin la na phuah hi:-
(a) Na zua laang lam cianlai leh awhkhi minthang ciaului luumsuang zah a vuum na ngai nam aw,
(b) Ka tawi zaang ni tui aw e, kamkei’ lamtan zaang gam gil al bang na man tak ding aw e,” a ci hi.

Read More

HAU PUM’ KHAN LAI THU

HAU PUM’ KHAN LAI THU

       Haupum a khan’ laitakin, Tedim gam khempeuhah gal hang pen hi a, galsimna khempeuhah a makai pen hi den hi. Khanthuam’ khan’ lai-in Khuasakte Thuamson in, “Leitungah ka kihtak khat zong om kei,” ci-in kisial zakzak hi. Haupum in zong, “Thuamson peuh mah kihta ngei ke’ng, tua thamlo-in thautang khat tawh si ngei kei ning,” ci-in ki galtot uh hi. Ni khat ni ciangin Tedimte leh Khuasakte in, Thuamson leh Haupum ki kihta lo tuak uh a hih leh kikap sak dih ni, ci-in vaihawm uh hi. Thuamson leh Haupum zong hong thukim pah lian uh hi. A thukim mah bangun ni khat Lopheite khuakhung mualzaangah hong ki kap takpi uh hi. Akikap ma-un nang hong kap masa in kici tuak uh hi. A sawtna ciangin Thuamson in, “Kei mah in Khuasak a om Thuamson hing,” ci-in minsialin akap leh kha lo hi. Tua ciangin Haupum in a ngawng tum nih ka suah mateng ta kei ning,” ci-in tang delh pah a, a phak ciangin a sat leh Thuamson in sing khat na bel kha-in a sing sat kha a, tua ciangin Thuamson lau-in tai hi. Tua ciangin Haupum in, “Bang hangin taina hiam Thuamson aw,” a cih ciangin Thuamson in, “Ka thau khu lakah temta khat hong tezak a, lauthawng mah a tai hing,” ci-in dawng hi. Kikap nading a avaihawm teng in thu a khen uh ciangin Haupum zosak uh hi. Tua ni akipan Thuamson in Haupum kihta pah hi. Haupum pen galhang sahang, kihtak khat zong anei ngeilo, mi hangsan mahmah ahih lam a theisate in, Haupum’ min a kilawh nak leh, amai-ah a laulo kuamah omlo hi. Haupum in tapasal Hau Cinkhup leh ta numei Ngul Zaniang leh Cing Khawman a neih laitakin Hualngote in Ainah khua, Tonzaang leh Tungtuang khua khung lam hong sim uh a, Ainah khuate in Tedim khua va ko uh hi.

Read More

KHUA CIN’ KHAN LAI THU

KHUA CIN’ KHAN LAI THU

        Kamhau in tapasal 6 aneih lakah Khuacin a nau tum pen hi a au pen Haupum a hi hi. A tung a ih gensa bangin Khuacin in tapasal neilo hi. A minthang mahmah a, Tonzaang ukpipa Hau Cinkhup pen Khuacin upipa Haupum’ tapa a hi hi. Khuacin hun sung in A.D.1883 kum Maangkaangte’ hong khan’ cil hun ahi hi. Tedim khuapi kumpi in hong hal ciangin, Tonzaangah na tai to uh hi. A sanggamte in Khuacin a simmawh bawl uh hangin Khuacin in apa’ gam hoih takin na kem zo pen hi. Bang hangin tua bangin simmawh bawl se uh hiam cih leh, Khuacin pen kamsiatna tawh a nu’ sung panin pianpih hilonapi a khel hong bai laizang hi. Aman zong a kisimmawhna la hih bangin na phuak hi:-

(a) Khuakim a ka ciin maang te’n, Pheiphung va bang bai ci e,
(b) Pheiphung va bang ka bainua-in, leido zingdai bang nawk inge, do sumlu mualah sua’nge,” na ci hi.

         A.D.1876 kumin Pawite Hualngo leh Zahaute in, Tonzaang hong sim uh hi. Khuacin vaihawm ding a kipat kum, A.D 1871 kumin Lusheite dopih dingin maangkaangte in cial uh a, Meitei maangpa in Lusheite Vannuailiana dopih dingin a zolna taubel lianpi khat Tedimah na puak uh hi. Khuacin in galkap tampi kaikhawmin Tedim pan Champhai (Tonsim) a ki cihna-ah ni 2 leh zan khat lam pai-in kuan uh a, Champhai a tun uh ciangin kulhpi tawh hoih takin na ki um cip hi. Kulh hoih tak a kibawl sate siksanin do dingin hong kithawi uh hi. Tua ciangin Lusheite in Khuacin leh a pawlte’ omna zanin hong umcih uh hi. Khuacin’ pawlte hih munah 3 si-in, 4 liam uh hi. Maangkaangte thu zawh sa a Khuacin in Lusheite a do laitakin Meitei galte in Guite Go Khawthang na man uh hi. Go Khawthang a kimat ciangin Guite kual leh Sukte kual dah mahmah uh a, Meitei tawh bek hilo Maangkaangte nangawn tawh hong buai zo uh hi. Bang hang hiam cih leh Go Khawthang ih cih pen Khuacin’ pute taktak a hi hi. Hih bangin Meiteite’ tungah Khuacin lungkim thei mahmah lo-in Meiteite va sim zelzel hi. Meitei gam teng leh Meitei mangpa pang bel Kabui, Kom, Thahdo, leh mi namdangte’ tungah Guite leh Sukte pang huanin, khut khat tawi, khe khat tawi bang uh hi. Tua a hih manin A.D. 1894 kumin Mualpi gamah Meitei te’n kilemna thu gen dingin Meitei gun dung zui-in hong pai suk uh hi.

Read More

KAM HAU’ TAPA ZATUAL’ KHAN LAI THU

KAM HAU’ TAPA ZATUAL’ KHAN LAI THU

            Kamhau in a tapa Zatual Thangkhal khua-ah inntuan sakin Hausa semsak hi. Hausa bek tham lo-in Seino gam Maulawn gam leh Vongmual gam teng zong piak beh lai hi. Zatual in gal leh sa tampi a mat banah, saipi bekbek 30 man hi. Apa Kamhau’ phu a lak kikna-in, Kawl khua sak lam khempeuh simin zo gawp a, Chindwin gun gei-ah gamgi va bawl hi. Tua hun laitakin Zatual pen a pilna leh a letna pha mahmah napi a tapa Haukim’ zi dingin Suangpheite Khuakam’ zi va sut laizang hi. Suangphei Khuakam zong thangpai mahmahin, unau pata lawmlawm zi kisut ci-in a khasiat mahmah laitakin, Zatual’ inntengte khat Suangphei-ah a hawh leh a ciah ciangin Khuakam in a nungah zuisim a, suangphei gam sungah va kaplum hi. Tua thu huhau-in Zatual leh Khuakam hong kido uh hi. Zakam leh Thangkhalte va kuanin Suangpheite’ gam sungah sul va bawl uh a, Khuakam pawlte in a muh ciangin galsul hi ci-in a nung zui pah uh hi. Zilpiau khua nuai-ah Thangkhalte in napang dimdem uh hi. Khuakam zukhing mual hong tun ciangin hong kitom a, “Zatual aw, ciltual aw, Zo dawng aw, Bang hangin ka zi hong sut na hiam? Na ngap leh hong kuan in,” ci-in to hi. Khuakam zilpiau khangphung hong tun ciangin saizaang’ gam lam a pang Thangkhalte in nakap pah uh a, Khuakam zong puk sukin suangthep kawmah tuksuk hi. Thangkhal te’n a kap hangun suangthep kawmah tusuk a hih manin a kap kikkik uh hangin kha thei nawnlo uh hi. Khuakam a lawmte in delh pah ngamlo uh a, tui duhin a sih dek tak laitakin kamphatna tawh guah hong zu dihdihin silo hi. Tua khit zawh akipan Khuakam’ zi a nung lamah hawh ngam nawnlo hi. Hih thu hangin Suangpheite in la khat na phuak uh a:-

(a) Ka don loh lal lei do kei bang kih tange, lungtup loh phung lai paai bang kisaai veh,
(b) Sinthu siam tong ki dawng uh a, lelsiam bel phung lai nawk no samgi bang khen om hen,” na ci uh hi.

A u anau te’n zong zu leh sa tawh leptuahna kuaman bawlsak lo-in, thu gallep bang bek hong suak hi.

Read More

KHAMTUNG ZOMITE’ THU KHENNA LEH NGEINA LAIBU

KHAMTUNG ZOMITE’ THU KHENNA LEH
NGEINA LAIBU
(Chin’s Rules)

Thu masa:
        Khamtungah Maangkaang kumpi hong kahtoh ma Sukte ukpipa Khanthuam’ tapa Kamhau’ khan’ lai-in, Tedim leitang khempeuh hong ngah khin a, ama uk sungah thusia thupha a om ciangin thukhen ding Tedim khua panin (1) Pauvum, Sukte. (2) Khoilam, Hatzaw. (3) Maanggin, Hatlang. (4) Kimthuam, Zillom. (5) Pau-am, Samte. (6) Cinkim, Samte.(7) Telkhaat, Hatzaw, hih teng tawh vaihawmin hih laibu sunga bangin thukhenna hong bawl uh hi.

         Tua nung sang Tedim gam sungah thusia lasia hong om ciangin hih laibu sung a bangin thukhenna nei uh hi. Tua bangin nidang lai-in thukhenna a na om hangin a laibu-in na omlo hi. Tua a hih manin THUKHENA NGEINA a om bangbangin hih laibu a simte in, Aw, nidanglai a “ZOMITE’ THUKHENNA” hih bang a na hi ta ve maw ci a a theih nading deihna tawh hih laibu hong kibawl a hi hi. Tua banah khamtung mi khempeuh in Khamtung Zomi, Hausa, Ukpi-te in, thukhenna ngeinate thei leh a kuama peuh in mawhna khialhna nei ngamlo ding hi ci-in ngaihsutna nei ka hih manin hih laibu kong gelh hi.

Laibu gelh kum: Laibu gelhpa:
1925 Sd/-
Pilot:

Read More

KAMHAU' TANGTHU

KAMHAU’ TANGTHU

           Khanthuam’ tapa 6 te lak panin a upa pen Kamhau a hi hi. Lamzaang khua-ah kum 5 sung hausa na a sep khit ciangin, Tedim khua-ah teng nuam a hih manin Ramthlo hausa Tlangtirh’ kiangah, “Gal hat sa hat khat peuh ka tuah leh hong huh inla, kum 3 simin sial za bo khatta hong pia ning,” ci-in huhna a nget ciangin Tlangtirh lungkimin, a sang hi. Tua hun laitakin Tedim khua-ah Guite-te na teng khin zo uh a, ahih hangin gal leh sa hat lua a hih manin na teng tul zolo uh hi.
            Tua bang a huhna anget khit 1804 kum pawl ciangin Kamhau in Lamzaang khua panin Tedim khua satin na teng hi. Inn leh lo zong kician nei man nailo-in, Zo leh Thahdote in na sim pahpah a hih manin Lamzaang khua-ah ciahkik hi. Tua ciangin Kamhau leh Khoilamte in, Falam gam Ngaltu khua a ateng Maanggin zol uh a, 1810 kumin Tedim khua-ah hong teng kik uh hi. Midangte in Tedim hong bel uh a, inn 30 bang pha-in Kamhau in hausa semin Manggin leh Khoilamte in upa na a sem uh hi. Mi hong khang semsemin a sawt lo-in Tedim khua inn tampi hong pha hi. Tua ciangin gam lei lei ukna-ah mipil tampi kisam a hih manin, thu kikuppih dingin Mualbem khua Hauhtuang’ tapa Pauvum sap ding a sawm hi.
            Ni khat Pauvum zol dingin Mualbem khua-ah Kamhau va pai a, Pauvum tual a lam kimlai va sam khia-in, “Tedimah hong teng inla kei’ nuai-ah upa hong sem in, kumsimin inn khat panin tha khat kong kai sak ding a, inn mun lo gam na deihdeihna kong pia ding hi.” ci-in a zol ciangin Pauvum zong lungkimin na zui a, Kamhau in a kamciamna bangin pia hi.

Read More

KAPTEL KHUASATNA THU

KAPTEL KHUASATNA THU
1. Thuamthawng in a zi’ tungah khutkhial kha:
            Gawhpau’ Tapa Thuamthawng in a behte khat zi-in la hi. Tua hun laitak- in a khua sung vuah nungak mel hoih mahmah Thangning a kici khat om hi. Tua Thangning pen Thuamthawng in iplah pian den hi. Tua bang a a iplah pian denna thu a zi in a theih ciangin zan khat a lupna tung vuah ki tawng uh a, a zi in apasal’ tuktum bawh khiatsak hi. Thuamthawng zong heh mahmah a, “Bang hangin ka tuktum hong bawh khatsak na hiam ka that ka mat, ka sim ka tawhna, galmang samang ka sim ka tawhna hi,” ci-in a lukham dokkhia-in a zi alukhawm tawh a sat leh, alu sat kha ahih manin si hi. (Khanglui lai lukhuam pen meilah cim sitset zol hilhial a kisui a hi hi.) Tua banga azi hong thak khak ciangin, “E, khutkhialhi khong venge,” ci-in zanin tho khia a, a upatpih a meltheih teng samin azan azanin thu kikupna khat hong nei khawm uh hi.
               A hih leh hih thu pen ih sungte in hong thei kha along uh kim hetlo ding uh ahih manin ngian khat ih bawl kul ding hi, ci-in hi bangin vaihawm uh hi. Vokno khat go-in khuanawl kenkilah a vok si taksak uh hi. Tua ciangin a sung a pu’ kiangah hih bangin gen uh a, “Tu zanin ka zi tawh kam ka kinial uh leh, ka ciah ding ci-in tai a, kei zong phallo a ka hih manin, delhin ka phak ciangin, ka lehkaih kik leh, utlo a hih manin hih kenah tuakin si hi.” ci-in a sungte khem hi. Tua bang a cih hangin a sungte in zong umzo taktak lo uh hi. Amah zong kisuangtak a hih manin a sivui ni bangin zong Thuamthawng in atanaute’ kiangah, “Sihthau lawnte in na kam sung vuah thautang muam kawm un, ih sungte heh a hong kap leh ih thuh loh phamawh ding hi,” ci-in gensim hi. Amah zong ui misi sa nekin kisuang den a hih manin, a sungte tawh tutkhawp, khawlkhop nuam sa nawn lo-in, mun dangah ki hem nuam a hih manin, Falam Ukpipa’ tungah Saiha khat tawh, Khuangleng khua asim lai a sal ngaknu a mat nungak mel hoih mahmah Vansiing a kici tawh, Thau lawng 3, Dakbu 1, Khipi gui 3, Zangsial a nungta 2, leh Saiha 3 tawh Falam Ukpi Conbik’ kiangah 1847 kumin Kaptel gam na ngen hi.
2. Ih pute in Kumpi na do:

Read More

INNPI TE TANGTHU

G INNPITE’ TANGTHU G

Thu masa:
        Innpite ih cih pen Guite, Sukte leh Manlunte hi pen hi. Laphuak siam a minthang Gualnamte Phungmaang’ hunin zong Tawmbingte tawm vei na mang uh hi.. Tawmbingte’ sangin Thawmte sawt na maang zaw uh hi. Sawt a maang pen cileng Guite mah ahi hi. Sukte pen Khantuam’ khang pan a hong kipan ahi hi. A hih hangin Innpite’ lakah sukte mah galhat penin vaihawm zong na zo pen uh hi. Tawl khat khit ciangin Guite’ uk sung a om khate in Guite beh hong ki cih ton uh om a, Sukte’ uk sung a omte Sukte beh a ki cih hun uh hong om mawk hi. Ahi zongin India leh Myanmar in Maangkaangte’ khut sung panin (Independent) suahtakna hong lak uh ciangin, Guite beh taktak lote in Guite beh hong kici nuam nawnlo uh a, Sukte beh taktak lote in zong Sukte beh hong kici nuam nawnlo uh hi. Tua banah Sukte kici min hong deih loh manun, Tedim khua min tamin leh Maangkangte’ hong cihna uh tawh kizui-in, Tedim, Chin hong kici hi. Lusheite bang in zong a paipai min hong kipuaksakna PAIHTE ci-in hong lo uh hi.

THAWMTE MANGSUUM’ TANGTHU

1. Saizang khua-ah Maangsuum a tunna thu:

Read More

SIALSAWM PAWI

‘ SIALSAWM PAWI ‘
Thu masa:
          Sim lei tunga om minam khempeuh in ngeina nei ciat uh a, tua ngeinate ’adingin a hoih pen, a manpha pen hi-in, a lung uh a nopsak ban-ah kithutuaksakin ki-itna zong khosak hi. Tua ngeinate a pu a pa’ khang pan kipanin kem toto ciat uh hi. Ei Zomite in zong ngeina hoih tampi ih nei hi. Tua ngeinate in ei Zomite hong ki-itsakin minam kician khat hong suaksak hi.

1. A Nuam Sialsawm Pawi:
         Khuakhal ding kisa-in khuamui hong kai ci-ciai a, pengpelep te’n (Keutawlek te’n) hong hamsan khengkhang ta uh hi. Lopawi zong kiman ta a, Sialsawm Pawi a kibawl hong hi ta hi.
Dopi kha-in tua pawipi’ ading kiging kholin “No bang tawh bawl sawm,” ci-in khat leh khat lawp takin kidong khengkhang uh hi. Cik ni ciang kipan ding, ci-in a ni acin’ ding bang kingaklah mahmah ciat hi. Pawipi pen Dopi kha leh Zing kha kawmkal sung lopawi khit (April) kha pawl-in khua zang bupin kibawl hi. Sial-a kipan gan neih peuhpeuh tawh lungkim takin kibawl ciat hi

(a) Sialsawm Pawi Bulphuhpi:
Tang lai-a kipan ih pu ih pate’ bawl ih ngeina pen kum simin a kizom toto ahi hi. Sialsawm cih pen:
Sial = Sial (sawmsial) a cihna hi a,
Sawm = hih sawm, bawl sawm, tum cihna ahi hi.

          Ei Zomite in sial pen sepna ngimnate-ah gentehna-in ih zat hi a, a lian mahmah ih cih nopna ahi hi. Sai (vuisa) bel sial sangin a liatzawk hangin lian cihna-in kizang zaw lo-in minthanna gennate-ah kizang zaw hi.Tua hi-in ih nasep ih silbawl, ih tupna ih ngimnate-ah a lian a sangpi mah (sialpi cia mah) sawm ding tum ding cihna ahi hi.

           Sialsawm Pawipi ni-in siampipa in zing tungin Zotang silsel anha (anhang)-in na huanin, tua sung pan khua sung cidamna ding leh hauhna ding aisanna nei-in mai lam-a piang ding thu zong na genkhol hi.

2. Dai Hawh leh Pu Zu Kholhna:
           Pawipi ni zing tungin innteek nupite in zu beel khat taakin Zotang sih huan a, si-pi na kang uh hi. Zingsang khua hong vak milmial ciangin innteek nupi nu in Zotang sih leh si a hel khit ciangin zu thawlno khat (dai-tawi) tawh han-ah na pai (dai hawh)- in a sisate phawkna leh thugetna thupha na bawl uh hi.

Read More

KHUADO PAWI THU

1 KHUADO PAWI THU ‘
Thu masa:
       “Tedim gam sungah Khuado a kizat ciat hangin, lasak a kipan gamtatnate kibang kim lo hi. Bang hang hiam cih leh, omna mun kikhat lo ahih mah bangin ih omna mun tawh kituakin gam min, khua min, lui minte tampi-in phui- sam, lasak leh gamtatna-ah kizang ciat hi. A kibang lo nengneng a om hangin, “Khuado ngeina kician om lo hi, ci-a ngaihsut ding hilo hi. Khuado thu ih gen a kibat kim lohna zong a thupit mahmahna hi zaw hi, ci-in ngaihsut ciat ding ka deih hi:

        Khuado pawi ih cih pen Zomite pawi neih thupi pen leh lim zat pen ahi hi. Hih pawi pen tuuk annlak khit ciang kibawl ahi hi. Khuado pawi bawl hun leh Vaite pawipi ‘Diwali Puja’ leh Kawlte pawipi ‘Mithuun Puai’ bawl hun kituak a, Khuado pawi ih bawlzia tawh kibat mahmahna nei-in mei kide tek hi. Kawl leh Vai ten ‘Khuaimeivak’ de-in, Zomite in ‘Meilah’ ih de hi. Hih panin Zomite pen minampite mah banga ngeina zia leh tong kicing a nei Ih hih lam kilang mahmah hi.
Tua banga ngeina zia leh tong kicing a nei minam picing kihi napi in, minam picing hong hisak Ih minam pawipi Khuado ih neihna natawm a theilo tampi ki-om ding hi. Minam Pau, lai, ngeina, pawi leh khanglui vante kician a nei lote minam picing kici theilo ahih manin a it lo, a keem lo, a puah lote minam khangto suak ngeilo hi.

1 . A khiatna:
        Khua cih in khiatna nam tuamtuam nei hi. Pasian genna-in ‘Khuavak’ kizangin, Dawite genna-in ‘khuazing’ kizang hi. ‘DO’ Ih cih in zong khiatna nam tuamtuam mah nei-in, a sia lam leh a hoih lamin kizang khawm thei hi. Ih it ih ngaih hong zin hong lengla a om ciangin zin do, lengla do ci-in ‘Do’ zatna mun a om mah bangin, hong bawlsia thei dawi leh gaalte ih sim ciangin zong ‘Do’ ci-in zatna mun mah om veve hi. Zomite in ‘PAWI’ ih cih pen Mikangte in ‘Festival/Feast,’ ci-in, Vaite in Puja ci-in, Kawlte in puai na ci uh a, Luhseite in Kut na ci uh hi.
Tua panin Khuado pawi pen thupha hong guan Pasian dona, lungdam kohna leh thupha ngetna pawi hi-in; A lang khat lamah hong bawlsia thei dawi leh kaute lak pan kisiansuahna dinga dawi leh kaute hawlkhia-a dona pawi ahi hi.

Read More

ZOMI TE NAMBAT SIMDAN

 NAMBAT SIM DAN
       SIMNA 1- Khat10 – Sawm100 – Za1,000 – Tul10,000 – Tulsawm100,000 – Tulza1,000,000 – Then10,000,000 – Thensawm100,000,000 – Thenza1,000,000,000 – Sang10,000,000,000 – Sangsawm100,000,000,000 – Sangza1,000,000,000,000 – Awn10,000,000,000,000 – AwnsawmKHA MIN Jannuary = Theino sih khaFebuary = Tun khaMarch = Dota khaApril = Dopi khaMay = Zing khaJune = Gam khaJuly = Taangsih khaAugust = Tang khaSeptember = Phal khaOctober = Khuado khaNovember = No khaDecember = Kau kha NIPI KAAL MIN Sunday -NipininiMonday -PizingniTuesday -NilainiThursday -LaizingniFriday -LaithainiSaturday -Ninoni H U N G E N N A 1. Zankim 2. Akmasa-khuan3. Aktak-khuan 4. Phalvak5. Sing khe tan6. Khuavak8. Vaiham san9. Sunkim10. Ni kai11. Anhuan hun12. Vaiciah hun13. Nitum14. Khuamui15. Sanggam melmak16. Khuamial17. Vumkhawi18. Lup hun19. Ihsip20. Zankim
II. TAANG LAWHNA
Aisa li = Kop khat
A nu leh a pa a sibaihte = Tagah
Ak a pate = A luui
Ak a nu a tuuisate = A pi
Akpi a neute = A khekh
Ak, mi’ inna a giakte = A gilgap
Ak, nitak khuamial khita a khuangte = Aksia
Aktuui a keuh lote = A dah
Annsing kung khat = Khuah khat
Ann, sumh dim khat = Thun khat
Ann cii tuh loha a pote = A lii
Bi lom li = Phuuk khat (Puak khat)
Bawngtal nih = Kap khat
Ciangkang khat = Tawn khat
Daak thum = Bu khat
Dawithoiha kipan na khat peuhpeuh thumvei = Thup khit khat
Dol peek laam nga = Cial khat
Ganhing no a neikik baihte = Kumsik(Tapet)
Ganhing ta a neithei lote = A ciing
Ganhing ta’ a nei nailo a nute = A laa
Gua a dawnthak( a mawnthak) = Guatuai
Gua a dawn khan hunsunga guahzu = Tuaiguah; Tuaisia
Innsun nih = Tuah khat
Inntuan a nei khinsa innte = Innbul
Innkuan a tamte = Kunta
Innkuan a tawmte = Lukhat
III. Zomite’ min khiatna:
Ai Aihna, Galaih sa-aihna
Al Zel kawikawi, Tawk kawikawi,

Read More

ZOMITE’ PUAN SILH ZIA

1. ZOMITE’ PUAN SILH ZIA

Thu masa:
          Tanglai-ih pu ih pate a kipanin ih neih ih minam puante, a silhzia, a zat zia tawh kisai lung himawhna tuamtuam a om banah, ih ngeina puate tawh kisa-ini tulai khangno pilna siamna khua muhna a tangzai zawte in itna a thuk zaw, deihna alian zaw hong heih nading deihna leh, ih zatna mun lehhun a kibang a ih neih theih nading deihna tawh hih thu kong gelh a hi hi.

(a) PUANSILH KIPATNA
          Leitung mihingte pianna mipa leh a zi hi a, tuate geel in Pasian’ thukham a palsat a kipan khuaphawk uh a, a guaktang-un a om lam uh kithei uh hi. “Topa Pasian in mipa leh a zi adingin zavun puan bawlsak a, amaute a silhsak hi,” ( Piancil 3: 20) ci-in lai siangtho sungah ih mu hi. Lai siangtho sung a ih muh mah bangin puansilh kipatna bulpi in maizum selna ahi hi. Tu dongin niik leh puan pen maizum seelna mahin kizang pen hi ci leng ki khial lo ding hi.
A hi zongin mihing in maizum zeelna bek hilo-in khualum leh a vot do nadingin puan kisilhin nik ki teng hi. Kizemna in zong kizang hi. Mel lehsa a kilawmsak nadingin puansilh hoih zaw, a pha zaw silh zawh nadingin a khangkhangin silh leh teen kipuahpha hi. Pumpi khanzia tawh kituakin kizepna a tuamtuam zong kinei hi. Hihte khempeuh “Niikten leh puansilh,” ih cihte ahi hi.
Tanglai-in ei Zomite in puansilh niikten amau khut mahmah tawh bawl tawmin na kiguan zo uh hi. Hih a nuai abangin a banbanin en hi.

(b) Siamgelhna:
        Ni danglai-in ei Zomite in siam gelhna “Pheleu” na ci uh a, a namnamin na khen uh hi.
(1) Dapzaal
(2) Tangmai mu
(3) Khiangkawi
(4) Sumtaw
(5) Maimu tang
(6) Siallu suan
(7) Ciangkawi

© Khauzat zia:
      Tung bel pen “Khul” hun lai pekin kizang khin zo hi cih thu tangthu kan mite in a gen hangun khau zatna tawh kisai bang huna kipan kizang hiam cih kitel theilo hi. Tangthu ciamtehte in pat khau pian ma-in kaaltep peuh ki teng hi ci-in na gen uh hi. Pat khau kizatna bul ih tel liah loh hangin “Ciimnuai” om lai-in khau na ang khin zo ta uh hih tuak hi. Bang hang hiam cih leh, Ciimnuai mi Thang Ho leh Lian Do’ la sungah Zo dial thu na kigen zo hi.

Thang Ho leh Lian Do’ la:-

Read More

ZOMITE’ KICIAPTEHNA VAPHUAL THU

1 ZOMITE’ KICIAPTEHNA VAPHUAL THU

        Zomite in thumanna leh cihtakna thupi sak uh a, tuate ciaptehna dingin vaphualin a kiciamteh uh hi. A pau a ham uh kithei lo-in, Kawlgam Vaigamah kikhen uh a, ngeina nangawn damdamin ki gamla deuhdeuh ding tawh kibang napi, Zomi kici nam khempeuh in amau leh amau a kiciapteh nadingin “Vaphual” a zang khawm thei uh hi. A tangthu a nuaia bang a hi hi.

       Ni dang lai-in Lawi Thang leh Sial Lian kici unau nih om a, Lawi Thang a uzaw hi-in, Sial Lian a nau zaw ahi hi. A neu mahmah lai-un a nu uh si a, a pa un zikik a nei hi. A nukik un Lawi Thang leh Sial Lian it lo-in bangcih leng hih naupang nih tawh kigamla thei ding cih bekbek a ngaihsun thapaai hi. A pasal kiangah, “Hih naupang liakluak nih tawh khuasa khawm theilo ding ka hih manin, na siamsiamin mundangah hawlkhia in” a ci hi. A pa in a tapate nih hehpih huaisa-in it mahmah napi a zi’ phunphun thuak hak sa mahmah hi.

       Ni khat a pa in paalbawm lianpi khat a phanphan laitakin a tate hong pai in, “Pa! na bawm phanphan bang ding a hia?” ci-in a dot uh leh a pa un, “Gun a suang no mau ciacia ka puakna ding ka cih hi ven” ci-in a dawng hi. A zawh ciangin a tate sam a, “Tate, hih bawmpi sungah na ta uh hiam hong kisin dih sin vua le” a ci hi. A tate zong lungdam mahmahin, hong kisin teltel uh a, a ta uh hi. Tualai takin a pa un bawmpi kisuanin khuanawl lam a zawtpih vingveng hi.

       Mual khat a khup ciangin, “Tate! hih lai-ah hong nusia leng innlam na thei lai ding uh hia?” a cih leh a tate in “Thei mah nung pa! Hih khawng ka sing tom zelna uh hi lo maw” a ci uh hi. Pai leuleu-in mual khat a khup ciangin, a pa in “Tate hih lai-ah hong nusia leng innlam na thei lai ding uh hia?” a ci kik hi. A tate in “Thei buang ee, pa! Pute’ sial pute’bawng ka cincinna uh hi lo maw!” a ci uh hi. Pai leuleu-in mual khat a khup kik ciangin, “Tate! hih lai-ah hong nusia leng, innlam na thei lai ding uh hia?” a cih kik leh, a tate in “Thei nawn kei nung, Bang ci-in maw pa! Hong nusia ken maw pa!” a ci uh hi. A pa un tua lai-ah khawlpih a, a tate hik khawng khah khawng a etsak khit ciangin a ihmu sak hi.

       A tate a ihmut sip khit ciangin a pa in a hikte a khahte’ kiangah, “Ka tate in hong sap leh ‘Hawi” na ci un” ci-in vaikhakin, nung hei kawmkawmin a ciahsan hi. A tate a khanlawh ciangin, khua pangsan hun hi ta a, a kiim a paam a et uh leh a pa uh a mu kei uh hi. “Pa, pa aw” ci-in a sapsap uh leh hikte khahte in “hawi” ci-in a na dawng uh hi. Unaute in a cih nang uh thei nawn lo-in, a gil uh kial mahmah a, a kapkap uh hi. Gamlakah nektheih zongin a vaak leihleih uh hi. Nektheih a muh peuhpeuh uh, phalhawmin a ne uh hi.

         Ni khat vasa bu khat mu uh a, a u in a va et saisai leh vaphual tui tang khat a na om hi. Khia suk leh lah kitam ding, ne leh lah a nau in ngawl ding ahih manin a u in a kam sungah muanin sing tung pan hong kum suk hi. Leilak a tunma-in vaphual tui taamin valh kha a, vaphual a suak pah hi. A naupa in a upa vaphual a suah ciangin dah mahmahin amah kia a kapkap hi. A u in “Nau aw kapkap kei ou! Nek theih singgah ka muh peuhpeuh hong puak ning aw, Lau ken aw” a ci hi. A u zong singgah zongin a lenlen leh munkhatah gam hoih gam nuam mahmah khat mu a, a naupa samin tua khua-ah a tengsak hi. A naupa in tua khua-ah a sep peuhpeuh lawhcing a, a khawi peuhpeuh pung mahmahin, a sawt lo-in mihau mahmah khat a suak hi. Zi nei-in ta nei-in nuam a sa mahmah hi. Nek leh dawn kiningcing mahmah a, khua hausa nangawn a sem hi. A upa in zong vilkik nawn lo-in kum sau veipi a kikhen uh hi.

        Ni khat ni ciangin, a naupa Sial Lian in ton ding hong vaihawm hi. Zu leh sa na khempeuh kicing khin dildel a, a nunung penin a upa a sam nuam hi. Tua ahih manin a upa a sam dingin vasa khempeuh a kaikhawm hi. “Ka upa sam nuam hi veeng, kua in hong sapsak thei ding uh ham a ?” a cih leh Baibek in, “Ken sam thei ning ei” a ci pah buatbuat hi. “Bang ci sap sawm na hia?” a cih leh, “Belek, belek” ka ci ding hi a ci hi. Vasa khempeuh in a nuihsan ngeeingai uh hi. Sial Lian in “Nang sam thei kei ni ciai” a cih khit ciangin, vasa khempeuh a banbanin kisinsak a, a sam thei ding kuamah a mu kei hi. A nunung petpet ciangin, Vavui in, “Kei hong kisin dih ning ee” a ci hi. Sial Lian in “bang ci sap sawm na hia?” a cih leh, Vavui in “Tu, tu, tu, tu git ka ta aw e nau in Tonkhuang kai ee, phual aw hong zo in ka ci,” ka ci ding hi a ci hi. Tua ciangin Sial Lian in “Nang sam thei mah ni ciai “ ci-in a u sam dingin a sawl hi.

        Ton kipat ni zingsangin, a u Lawi Thang hong tung huak-huak takpi a, inntual tungah hong laam hi. Sial Lian zong nuam mahmahin, a inntual laizangah hong pai a, a u a muak hi. A u in a mul khat botin a khiatsuk leh, a nau in hoihsa mahmah a a lukhu tungah totin mipi lai-ah a laam hi. Sial Lian lam siam mahmah si, vaphual mul tawh lah kilawm mahmah si ahih manin mi khempeuh in hoihsa-in a eng mahmah uh hi. Papi khempeuh in vaphual mul ngen pah ngeingai uh a, a u in zong a mul neih khempeuh botbotin a khiatkhiat hi. A nu kik in zong a nget leh, vaphual in a ekpeek a, a kamsung Tu-in a si pah hi. Vaphual in a kha a mei a bei dong botbotin khiatkhiat ahih manin a tawpna ciangin leng thei nawnlo-in leilakah hong kia a, a naupa in a tangsaal-ah a kem hi. A nau in a mei a kha a kim dong a kep a vak khit ciangin a khah kik hi.

        A u in a len khiat kik ding ciangin, a naupa’ kiangah khitui mualtuang sa in “Nau! hih lai mun sang a nuamzaw gam khat mu khin ka hi aw. Tua lai-ah a tawntung ih tenkhop theih nading ni khat ni ciang hong sam ding ka hi. Tua lai mun nong tunnop leh thumanna leh cihtakna kiptakin len tinten in la, na nuntakpih in aw. Tuate ih gamh a hi. Mangngilh het ken aw Sial Lian!” ci-in a vaikhak khit ciangin a leng khia vingveng hi. Tua huna kipanin tuni dong vaphual ahi a u Lawi Thang leh a naupa SialLian a kimu nawn kei uh hi.

Vaphual thu khat leuleu-ah:

      Vaphual nupa a kici pen vasa dangte bang lo-in a ki-it pha diakte uh ahi hi. A nu hiam a pa hiam khat a si om leh lungleng lua-in amah guak om nuam salo hi. Van sangpi-ah lengin sangpi atun ciangin lei-ah kikia sakin kisih bawl tangial ci uh hi. Tua banah a bu sungah a tui a nu in a op ciangin, hoih takin a bu khempeuh singnai tawh hu bit sitsetin a luthawl theih nading mun khat bek vangsak a, apa in an zongin vak khia-in a nu an va puak zelzel hi. A hi zongin a om loh kalin mun khat vangsak, keh sak kha leh apa lungkim lo-in “nang ciampel, ka om loh kalin midang tawh kizom hi teh, ci-in an puak nawnlo, don nawnlo ahih manin a nu pen a bu sung pan lah leng khia thei nawnlo-in tua bangin a bu sungah si-in muat cip lel hi, ci-in khanglui te’n na gen uh hi. Ki sihpih ngam zah dong a ki it ahih hangun a ciampel aom ciangin ki nusia ngam mahmah uh hi.

Tua hi a, hih VAPHUAL’ cihtakna leh ki-itna thupi sa-in ei Zomite in Zomi kiciaptehna-in ih nei hi.

Read More

Kasin Laihong luah

                                                        Kasin lai hong luah Ngaihno

-Kazaalna laikhun tungah lailung zuangveng

gaal in don veeng na angsung ah ka zaal hun diing

na siang ah hong leng nuam veng

maimit zong siing mawh inge.....

-I leena mun te mual zatam in hong hal e, 

Sianmang geel hun'ah dawn bang ki tuah ni maw ngaih tua hun diing hai bang ngak in muhloh tawng kisaang ni Sianmang in tui bang gawm diing ngak zel ni.

-Ka sinlai hongzen vang ngaih no aw,

nang kongsial na lai ah na ee,

nang tawhlo in lungmuanna omlo nang bek na hi kalung nop na,

-Duangzen liannu heisa paakbang in etlawm cia

na sakmel et lawm na duangsuah et lawm

duangzen lianu maimit laukha ah luai den

etcim thei kei veng,

paalzaw lungkuai diing singdang omlo e,

-kumkhua sawt a lailung nopna ka zon zon

ngaih aw na sakmel tu in mu ing e,

tung Sianmang muang kawmin khuam bang kip den ni ngaih aw

angkawi Tong i chiamsa peel kei ni

tongchiamsa peel kei ni

ngaih aw..........

Read More

Hih zah aa kong ngaih zia

                      BANG ZAH TAK AA HONG NGAI KA HIAM

A et lawm mahmah na mel hoih na leh a it huai mahmah leh a santak huai na tongdam.

-Kong it-na leh kong ngaih ziapen pakte nisa lua in tui a ngawl cing in vulthei hi a hi zong in kei in ka hih leh ni sa lua in ka vul ding zong in tui ka zong thei aa ka gil a kial hun in zong an zong thei ka hihi.

-Hi mah leh ka vulna bulpi in pakte tui ki samlua in nisa lua a hih man in a vulbang mah in nasak mel et lawmleh na tongdam aw nem ka zak khak loh cing in tuiduh nisa kap vulbang in ka na vulzel hi,

-Natong dam kasan ni in kei aa ding in lungnop ni ki pat ni hi napi in nang tawh holung kumkhawm theilo leh nasak mel ka muh khakloh ni in kei aa ding in lungzuan khua ngaih na tha nem na ni ki patni na suak zel ing ngaih luat aw,

-Namai tang in katha hongdim den hi na nuih mai na in ka ci damsak tuam hi
Na aw ngaih bang mahmah in ka bil sung ah hong lut cing in tui duh mahmah pakbang in ka nuntak na hong hing sak hi,

-Kong it na leh kong ngaih na pen gengen nuam mah taleng gengen lehang hong ki cimtak thei bang hong in hong ki cim tak theiding cih pen kei ngaih zah in hong ki ngaih loh ding man in lauhuai zel hi,

-Nang tawh ki zop na limlim a hih nak leh nang aa ding in bangmah a hi kei zong in kei aa ding in lungnop na bulpi mah na suak veve hi,

-Nang kong ngaih sut cing in ka lung nuamden hi tua bek tham lo in nang tawh ki teng hi leng bang zah in ka lung a nuamzen tam cih bel genkhol zo keng hong it hong ngai na hih nak leh kei aa ding in lungnop tawn tung na nang tung a hihi,

-A tawntung aa nang tawh a om khawm ding bang in ka ki ngaih sut cing in ka lung nuam mahmah in ka gim ka tawl na teng zong tui suak in thangvan aa  mei pi  huih in a mut khiat bang in ka lung gim na teng bei khia hi,

-Hih zah liang aa kong it kong ngaih na ding in bang gu banggau dawn kha ne khia liang ka hiam?
A gu a gaudawn kha hi lo mah leng zong na sak mel et lawm leh na tong dam teng kei aa ding in guleh gau suak tamai hiam cih cih liang in om hi,

-Guleh gau cih pen dawn leh nek tawh ki vei thei ding na hi lo cih,
Nasak mel na duang et lawm na pan zong gu leh gau a suak thei liang ding mah bang liang ee, kong ngaih kong it luat man in haksat ka thuak loh nang in hong ngaih sutsak zoding Zolia nang bek mah tung ah ki nga cih ka phawk zel hi,

-Mi thupi mizah takhuai na hih man in kei tawh a ki tuaklo leh a zum huai thu kei lampan om kha mah ding hi a hi zong in kei cinloh na mah leh kei kamsiat man mah na hi mai hi,
A hi zong in kei zong ka ut penleh ka deih pen na hi pah het lo hi Ngaih no aw,

-Kei tualniam lualeh kei mawllua ka hih man aa nang pil na neileh nang micim khat hong lung gulh hi tuan lo hi ing,
Na neih man leh na theih man aa hong ngai ka hi kha kei aa ka lungsim pan kalung tang deih na hih khak man in nang hong it thei hong ngai kha ka hih man in kei aa ding in mai zumna leh gual lelh na tampi a omkha ding mah a hihi,

-Bang mah ka neih loh hang in nang kong it na kiamtuan lo ding hi,
Pilna sangpen ka neizong in kong it na kiamtuan lo ding hi bang hang hiam cih leh na pil man in hong ngai ka hi kei hi na hauh man in hong ngai ka hi kei hi,
Kalung tang in hong deih in hong phawk hi kei zong hih zah aa kong ngaih na khiam thei hi leng a khiam nuam a kiam sak nuam ka hi hi,

-Bang hang hiam cih leh hih ngaih na it na cih pen ki mawk hepkhiat thei lo hi,
Ki mawk koih tawm thei lo hi tua in a tawntung aa kong it na ding hong pian khiat na ka lungtang tawng pan hong luang khia it na hi Ngaih luat aw,

-Nangtawh a hi theilo ding a hih leh bang hang in hih it na koi pan hong piang hi ding hiam?
TungSianMang hong piak it na a hih leh zong bang hang in hih zah liang khakham vei lam et bei liang ding in it na hong luang dihdih sese hiam na cici ing ee,

-Sim leitung ah ka it pen ka ngaihpen mah tawh ka ki ngai nuamden hi a hi zong in ka it pen ka ngaihpen in kei hong it pen hong ngai lo pen kha ding hi,
A tawntung in nang tawh lung tuak tui bang luang khawm ding ka lam et na om den hi na ngaih sut na khempeuh a ki khel sakthei SianMang sinthu hi hen hong it pen ing hong ngai pen ing Ngaih No aw.....!

   By-It na ngaih na 

Read More

Nu ngak hoih ka sak nam

                                      Mi Hoih Ka Sak Nam

..Mi khat leh khat kibang loding aa, kei hoih sak nam a tuamdeuh in a omdiam bel thei keng..

-Numei pen a mel asa zong ci nai khang a masa-in a samsau hamtang leh Vangnei deuh leh 
      Kilawm tuam mahmah ka sa hi.

-A hih theih leh Nuihmai den henla i hopih khempeuh hongdawng hamtangding hoih ka sa hi,

                                                    ...Mel leh sa gamtat dan tuamtuam te...

-Thatang lianpian a hih leh a tunsang pian a hih leh a phei lianlua lo ding a tawlam gol lua lo ding tua bangte muh nop zaw hi,

-Thalian piante a muk uh a tung a nuai sang in lianzaw leh et lawm mahmah ka sa hi
   Muksansa lamte a ki langlua zang lo ding tua te et lawm mahmah hi,

-Maitang leh mel tawh ki sai in A mit bempian te hoih kasa hi a mai bem a hih leh a kamlian ding a mai zawl a hih leh hoih kim lel hi a nak a mai tang pan i et cing in a nak vang ki mu pawl khat om aa a ki mu lo te mah hoih ka sa zaw veve hi,

-Nakvang ki mulo cih cing in a nak kuipian sau pian ding ki kimsuk pianding tuadan nak te in mel zong hoih sak tuam hi tua dan na hih kei leh zong dah tuan ken,... :)

-Samhen danding A samsau te in a hen ciang-in Alu zanglam pan hen leh ki lawmtuam mahmah hi mipawl khat te in a sam a hencing in Adeek tungdeuh ah hen ziau a hih man in ki lawm na hoih tuam na in pianglo hi,

-Mittang hoih ka sak dan te pen a mit khauh lua loding nem mahmah ding tua danlam te hoih kasa zaw hi,

-A bil mun nih mun thum bang a vut te pen haivai ka sa hi,

-A haksat na khat hong kophot in hong kup pih hamtang leh ki cianpen ka sa hi a ki khel ma in i panpih zo kei zong in hong gen pahpah te mah thupi ka sa hi.,

-A Nuih cing in a Aw tawh a nui khia limlim a Aw zak nop zaw aa Aw sung pian aa nui te sang in zak nop zaw hi...

-Thukhat hong gen cing in i tel theih ding aa gen thei te mah ki cian ki sa pen hi..

-Ki zep ki puah na ah mit mul lamte a nak kiat lua te a et lawm nawn kei hi..

-A masep zawh cing a sem ciatciat a thumthum lam hi kei leh et lawm hi a ngaih sut khem peuh a gen pahpah hi lo hamtang ding,

-A mah leh a mah ki dik sak nuam mahmah na pi in a lawm a gual in thuak lah mahmah nu mei pen ki en neu baih mahmah zel hi,

-Numei cih cing in om dan khawl dan val lua in om te pen ki neu muh mahmah zel hi tua hi aa om hithiat theih ding kisam mahmah hi,

-Nu mei pawl khat pen a gamtat zia tello pi in A mah leh a mah ki dik sak in thu a gen cing in Pasian thu bekbek gen in nei thei hi tua bang te dik lo hi,

-Pasian thu hoih tak aa mi a genpih nuam te a om zia hoih mahsa leh et lawm hamtang ding in ka um mawh hi,

-Pawl khat leuleu in a lungkham hun cing in lai at pheng ziauziau thei hi tua bang mite zong ki dop huai peuh mah hi,

-Milak ah ei hong ki dong khol lo leh i theih khol loh te ah ki tak lah lua kei le hang nu mei pil hong ki ci zaw thei ding hi,

-Pasal na neih cing in na kamtawm khat ki dawm phot hamtang in tua mah thupi pen ding hi,

-Ta naneih khit leh inntek tangpian na ki sak cing in na lung kim dandan in ding hi ta hi,
Pil hong ki sazaw ding hi dai tak aa na om zawh nak leh,

-Mikam tamte kamtam khial a hih man in a nak pau lua mite ki hai muh mahmah cih theih huai zaw hi,

-Cidam loh na lam ah damlo na hih leh damlo mah ci pah lel in damlo pi bang mah gen lopi na sep semzo kei le cin thadah minsia natang zaw khading hi,

-A hih na bang in om theih ding a ki sapzia hih te tawh ki sai in a tel siamding in hong lam en ing a vallua lai at khak a om leh hong na mai sak ding cih kong thum hi lungdam....!

Read More

Ka Ngaih Mahmah Nu Ngak

                           A IT HUAI MAHMAH KA NGAIH NO

A it huai mahmah ka Ngiahno namel et lawm in na duangsuah et lawm mahmah hi,
    Na Ngiah huaizia leh kong ngaih na pen kamtawh genzawh ding a hi kei hi,
Banghang hiamcih leh Nahoih nate nosuah den in namel a et lawm tawntung hi
-Na neuihmai na in ka lunghiam nuamsak in na aw te kazak ciangin kaci a damtuam hi,
-Na'aw te Ngaih bang mahmah in kabil ah a vengthei lo na aw in ka benghem ah kaza
ciaicai tawntung hi,
-Nalung kim in na nuih ziahziah na in ka bil ah hong lut ciangin hong zen mahmah in kong ngaih na a lian tektek hi,
-Na maitang ka muh cing aa Nakam hoih in nanak hoih in namit hoih hi na luhek zia leh na gamtat zia in ka lung hong nuam sak in kong it na lian mahmah hi,

Read More

NA KI PUAH ZAWH MAN AA HOIH HI KEI TEH

                                      NA MEL HOIH NA IN MAN NEI MAHMAH HI

Amel Hoih Nu ngak khat pen na ki puah zawh hat thu tawh a hoih na hih loh lam a gen nuam i hihi.

Mel leh sa bel mikim ki bang lo aa hoih na a tuamtuam na hi mawk hi,
A hi zong in i ci tung ah i pian pih i ci leh i hek zia te tawh i hoih na na om gige hi.

Pasal te hoih sak theih Numei te.

1.Tha leh ngal puak zia hoih ding.
Tha tangcih pen ki bang khinlo zel hi pawl khat te thalian mahmah om hi
Mipawl khat leuleu tha neu mahmah in sang mahmah na om zel hi,
Pawlkhat leuleu pen tom mahmah in (bil) a tha lian hi,
Pawlkhat leuleu Golkim in a tha tang zong lian pah hi,

-Natha tang hoih leh hoih lo tawh hong ki ngai pah hi masa lo hi,
  Nanuih mai na hang in hoih hong sa zong na om zel hi,

-Namit tang mahmah it huai in a hoih ngiat mi zong om leuleu hi,
  Mitnem hi a om zia tawh a ki tuak deuh ki om leuleu hi.

-Namai tang mahmah hoih hongsa ngiat pawl khat om leuleu hi,
  Na maitang tung pan na hoih na te Na kam a hi zong in na nak a hi 
zong in na Namai ben leh zawl tawh na tha ki tuak mahmah se hi.

-Kamhoih pen a tha a liat pian leh a muk a tunglam lianzaw pian leh et lawm mahmah ki sa hi,

-Tua cing in na cina sa a cing lo mi na hih leh na sam hawi in la sau sak in 
   Nasam in vang hongpia mahmah hi,
Samtom sak lenglang cih khawng Pasal te aa ding in muh nop khol lo hi.

-Lawmleh gual lak ah na om ciang mi nuihpih theiding maitai theiding ki sam mahmah hi,
Kamsiam na leh hoih tak aa pau theih na pen ei leh ei ki bawl tawmthei a beithei lo a hih man in hanciam denzo leng hoih pen hi.

-Vai khat peuhpeuh na neih cing mansiang lopi in tawp sawm khawl sawm ngei kei in la cihtak sawmden in,
  Na Citak zoden kei phialzong in nang hanciam theih cing hanciam den in hongki muang mahmah ding hi.

-Haksat na khat natuah cing na It mi leh na ngaih pian tekiang ah kole cin hong muang in hong mawk taisan ngei lopah ding hi,
  A vaihawm theihzah hongpan pih in nang gen loh thupawl khat zong hong sep sak nuam lai ding uh hi.

-----------Cihbangteng hong at pong ing at noptam lua in hong behlap kik zel ning------

Read More

Mel muh loh tong ki lel ee

                                                    Hoih ka sak mahmah Zolia
                                                   ----------------------------------
1.Namel hoih na in kei aa ding in tha hat na suak den hi.
2.Hoih kong sak luat man in kong muden nuam hi.
3.Kong muh nop det man in kong ngai hi.
4.Kong ngaih man in kong it hi.

Leitung ka nuntak na ah gentheih na leh haksat na tuamtuam hang in ka It ka ngaih hoih ka sak mahmah khat tung ah ka it na kam mal ka gen ngam loh na leh hong ngai ing cih kam mal ka gen ngam loh zia pen kei aa ding in nat na lian mahmah khat cih pen ka ki phawk hi,
Tua bang hun ciang a mah tawh ki mel theih na leh ki mai ngap na ding cing pen kei lam pan hanciam nuam den ka hihi.

Khanglui ten mel muh loh tong ki sang cih in gen teh na nei thei uh hi hih in kei aa ding in man mahmah thu khat na hi mawk hi.

Tu hun cing in Online sung ah ki nuamsa mahmah ta in mi hoih zong tampi om hi ih ki zop pih theih leh i ki mai ngap pih deuh om citciat se hi,
Tua nuam tak aa i ki hopih theih khat pen a tatak in ki mu kha lo hi na pi in (man Photo) a hi zong in Laiki khak na ki ho na (Online Call) sung pan a hi zong in ki mu ki za thei ta hi,
Tua bang hun ciang in mite pil na leh mite neih leh lam mite hoih zia te ki mu khia thei hi a hi zong in kei ka hih leh hih bang hun cing in Pilna bang mah nei lo in neih leh lam sum leh pai mel leh sa bang mah ki cing lo ka hih man in milak ah ka ki hel nop zenzen hang in hak sa mahmah in mi lak ah ki maitai zo den lo mawk hi.

It leh ngaih leh mel theih
Mi hing pen hoih na ki bang lo hi a tuamtuam in ki khen aa, a hi zong in i lungsim hong la deuh leh hong vut deuh hong zen deuh mi na om cit ciat hi 
Mipawl khat te A mai tai a nuih mai na hang in i It na pawl khat om hi.
Pawl khat leuleu a gamtat zia a ki hei a om dan tawh i it theih om hi.
Hoih sak na pen gen ni ci lehang mit khat leh khat ki bang lo a hih man in gen zawh ding hi vet lo hi A ma om zia leh mel leh duang Aw suah Pau ngaih bang cih dan pawl khat om hi Tha tang a hih leh a tuamtuam in ki khen hi.
A tha lian pian a deih om aa, A thazen pian a deih mi om hi A maibem a deih om aa mai zawl a deih om hi ki bang thei lo hi.
A hi zong in a Thalian pawl khat hoih ka sak mahmah om aa, a tha neu pawl khat hoih ka sak mahmah om leuleu hi,

Ka ngaih mahmah khat aa ding in a ma deih bang ka hih zong ding a ut penpen ka hi aa, a hi zong in kei nun takzia leh a ma nuntak zia ki bang lo hi,
Khat leuleu ah pian na khua ki khat lo hi in vai hawm na leh ki zop na hak sa mahmah zong om thei hi,
Hih bang hun cing in Kei ngaih na a liat mahmah hang in a man lawm ngaih nei khin maw nei nai lo cih pen ken a lung sim tawng ka thei kei hi ka ngaih lam ka theih sak nuam aa, zong thei mai in ka um hi a mah tawh ka ki zom den nuam aa ki zop na hak sa hi.
Tua hang hang in i ki zopna haksa in i lung gulh na ki ngaih taktak na cingtun ding hong haksa mahmah thei zel hi,
Khua khat leh khua khat ki ngaih na leuleu cing in a tawntung in i ki mu den nuam den hi a hi zong in nitak khat ki muh loh zong zan khat ih mut loh lawh zah dong in Pasal te in ki ngaih sun thei zel hi,
Tua a hi lo ki ngai ki It mahmah na pi hang'in khual gamla nuntak zia hak sat na hang in ki zin ki vak thei zel hi tua bang hun cing in Ka It ka Ngaih No pen nitak sim in ka ngaih sunsun aa a mah tawh ka om khawm nuam den hi        
Phone sung khawng ah ki ho in it na kam mal te i gen theih cing in i lungsim pawl khat hong veng thei ta hi ki ho bek hi lo in-ni khat SMS lai ki khak na khawng i zat theih cing in i om zia nuam tuam mahmah ta hi,
A hi zong in SMS lai ki khak na online leh Phone sum bel a hih man in a tawntung in ki hih den zolo a hih man in tua i hih zawh loh hunsung pen lungsim tampi tak mah hong la kik zel in ki ka gim thei mahmah hi,

I Ngaih Khat tawh ki tul suak sam lo
   Bang hang in i ngaih khat tawh ki tul suak lo hi cit ciat hiam cih na pen pawl khat te in ki ciatloh na ci in a la om ding hi,
Ki cian loh cih theih om ka sakei aa, Lawm Ngaih ki pat cil pen ki nau pang lai mahmah ci mai ni kum17 kim pawl aa lawm ngaih khat in a ngaih mahmah a lawm ngaih nu pen ngai nawn lo cih om tuan lo in ki it mahmah na pi in a tawn tung in Nuntak pih ding ziding in i ngaih sut na a bei hut pawl khat om hi tua pen Numei&Pasal hi ding in ka um mawh hi Ngai mahmah na pi tenpih ding in lung tung lo cih hi zaw in It mahmah na pi hang in Ziding Pasal ding aa i ngaih sut theih loh pawl khat om hi,
Tua bang i tuah cing in vai hak sa mahmah khat hi in i ngaih Nu&Pa tawh hoih tak aa ki gen ding mah thupi leuleu hi,
Pawl khat tading in bel hun tamla khawm khin uh a hih man in ki khen ding haksa ta a hih man in khat a lung tun loh hang in ki teng mah suak aa, a hi zong in It na ki bang veve a hih man in tul veve lel hi,

Nidang in lawm ka ngaih masak pen kei tawh ki bang in a pilkhol lo leh a tei khol lo khat a hihi,
Ka Nu&Pa te in zong hong gen pih lua khol loh uh hi a hi zong in a mau hong gen pih loh na teng uh pen it na ngaih na in ki nei zawsop hi,
Ka ki ngaih uh kum2 bang hong cing ta in zong tenpih ngam ding zah dong in ka it na om mahmah ta in ka ngai mahmah ta hi,
A hi zong in sumdeih man in khual ka zin cing in ki zop na leh ki thuzak na ding Phone te Online te ki thei nai lo a hih man in haksa mahmah in Khang no lai i hih mah in i om pih te kiang khawng ah i gen ding haksa thei mahmah hi
Tua bang teng tawh kha3 hal khat vei peuh ki ho in ki thei za thei sam cih ding hi kum hong pai toto in ki zop nop hang a mun leh a mual ki gamla kawm kal ah A mau zong na lung nuam tuan lo in Khat leh nih tawh na ki mel theih bawl uh hi,
Tua bang hun ah Ki it i hih man in ki muan mawh na om thei pong mawk hi
citak lo cih na hi hetlo napi i cihtak luat man in a hi lo khat i zat ciang in i ngaih na tam a hih man in i heh suak thei hi a mau zong a gen theih tuan ding uh om tuan lo cih ding a hi mai hi tua bang teng tawh ki zop na hong poi mawh mahmah in a hi zong in i It na pen mawk bei ngei tuan lo hi Khanglui ten lencil tongsan a cihcih uh tua bang hun in ki phawk mahmah hi.

Melmoh loh tong ki sang ka cih na in Online sungpan ki ngaih na ka gen nop na hi.
Mi khat tawh online a hi zong in SMS ki khakkhak le hang i aw ki za nuam in i aw ki zak theih na ding ki vai hawm in a aw i zak zak cing in a aw mahmah ngaih bang ngaungau in khum mahmah zel hi,
a mel i muh zenzen loh hang in a lai at leh a aw ki za za a hih man ki it tuam ki ngai tuam mahmah cih ding a hi hi,
Hun khat lai in ka sin kha ngai aa haksa ka sa mahamh hi,
Tua zawh a sawt lo in ki muh theih na ding ka vai hawm uh aa mel ki mu in ka ki ho thei ta uh hi nuam ki sa mahmah na pi in i om zia leh i nun takzia ki thei lo i hih man in a tawn tung aa ki zop theih a om tuan kei hi,
Facebook sung pan lawm ngaih na zong ka sin leuleu hi cih cing in lawm ngai kawikawi cih na hi lo in kei din mun leh midin mun ki bang lo a hih man in mi aa ding in bang mah ka hi kei aa kei hong ngai ding leh hong it ding pen tamlo cih na a hihi,
Ken mi ka ngaih hang in kei pen kua mah in hong ngai ing hong ci lo mawk zel hi,
Nu mei mel hoih mahmah ka sak khat ka ngaih na ka gen ding pen haksa mahmah hi pawl khat te in a gen hak sa kei ci uh aa kei aa ding in pen Ka neih ka lam leh pil na siam na bang mah nei lo ka hih mah bang in tua bang ciang in ka khan gual mai ah ka maimial mahmah hi,

Mi khat i ngaih i it na pen ki mawk it hi tuan lo aa i lungsim sung ah a tham den khat a hih man in baih lo veve hi,
Hoih ka sak mahmah lam zong thei veve in ka um aa ka ngaih lam zong thei veve in ka um hi a hi zong in a man hong ngai lo ding cih ka thei hi tua a hih man in a mah tawh ka ki ho cing in it na lam mal te gen ziahziah theih na ding om lo a hih man in lawmta bang in hopih in om mawk hi,

Lawmta bang aa ka hopih theih khak zong ka lungsim a nuamtuam mahmah a hihi, lawm ngaih cih pen a haksat zia leh a kih tak huai zia pen kei aa ding in haksa penpen hi tua hi aa ka it mahmah khat ka ngaih mahmah khat tung pan it na kam mal hong it ing hong ngai ing a cih theih na ding in it na kammal te ka sut pih ngam loh na in nun takzia ki bang lo a hih man in tua hang hi aa ciam nuih dan in ka hem gen zel aa a man zong ciam nuih dan mah in hong dawng kik zel hi ciam nuih hi het lo ka sung tawng pan a pai khia hi na pi in a ma lung sim nawng kai sak susia nuam lo ka hih man in tua bang mah in ka pau pihpih ding mah a hi hi,

Hih bang ciang ah lawm hoih neih ding leh ei hak sat na te hong khual ding hong pan pih a hi kei zong in hong theih siam ding Nu Ngak a hi zong in Pasal a hi zong in a ki sam mahmah lawm it i ngeih ding pen Thupi ka sa mahmah mawk hi,
Bang zah tak in i gen thei aa i mawl zong in mi heh pih thei leh mi khual thei khat tawh i ki zoop khak ding pen thupi ka sa mahmah hi tua bang te tawh ki ngai kha hi leng ei hoih loh na leh i cin lo na i neih loh na te hong en ding hi lo a hih man in it na ngaih na pen nuam tak aa ki gen thei ding ban ah lung sim ki tuak tak aa kal suan khawm ki hi thei pan ding hi,

Ka hak sat zia leh ka bei dawng zia pen kei theih bek hi aa mi te muh pih a hih loh hang mi te muh na ah zong a gina lo leh a nei lo a thei lo ka hih lam a ki theih mah bang in hih hak sat na in ka mai lam nun tak na ding tampi khop mah hong maidong sak tuam mahmah hi,
 Hih lai na sim man in lung lam khialh na a om leh hong na ngai dam ta in.;

Read More